Tuesday , December 7 2021
Breaking News
Home / ବିଶେଷ / ନାରୀ ଓ ଶକ୍ତି ପକ୍ଷରୁ ଆଡ଼ପ୍ଟ ଏ ଟ୍ରି କାର୍ଯ୍ୟକ୍ରମ

ନାରୀ ଓ ଶକ୍ତି ପକ୍ଷରୁ ଆଡ଼ପ୍ଟ ଏ ଟ୍ରି କାର୍ଯ୍ୟକ୍ରମ

ଭୁବନେଶ୍ୱର,୩୧/୦୭/୨୦୧୯ ( ଓଡ଼ିଶା ସମାଚାର)-ରାଜଧାନୀର ଏକ ପ୍ରମୁଖ ସଂଗଠନ ନାରୀ ଓ ଶକ୍ତି ପକ୍ଷରୁ ଭୁବନେଶ୍ୱର ରଘୁନାଥପୁରସ୍ଥିତ ରୟାଲ ଲାଗୁନ୍ କ୍ୟାମ୍ପସରେ ଓ ଏହାର ଆଖପାଖ ଅଂଚଳରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ବାଚସ୍ପତି ଡଃ ସୂର୍ଯ୍ୟ ନାରାୟଣ ପାତ୍ର, ହାଇକୋର୍ଟର ବିଚାରପତି ଦେବବ୍ରତ ଦାସ, ରାଜ୍ୟ କ୍ରୀଡ଼ା ସଚିବ ବିଶାଲ ଦେବ ପ୍ରମୁଖ ଅଂଶଗ୍ରହଣ କରିଥିଲେ । ଡଃ ପାତ୍ର ନିଜ ଭାଷଣରେ ନାରୀ ଓ ଶକ୍ତି ସଂଗଠନକୁ ବୃକ୍ଷର ସାଥୀ ସହ ତୁଳନା କରିଥିଲେ । ଏହି ଅବସରରେ ଓଡ଼ିଶା ଉଚ୍ଚ ନ୍ୟାୟାଳୟର ବିଚାରପତି ଦେବବ୍ରତ ଦାସ କହିଥିଲେ ଯେ, ଉପକୂଳ ଅଂଚଳ ଫନିରେ ହୋଇଥିବା କ୍ଷୟକ୍ଷତିକୁ ସବୁଜ ବିପ୍ଲବ ମାଧ୍ୟମରେ ଭରଣା କରି ପୁଣି ତାର ସୌନ୍ଦର୍ଯ୍ୟକୁ ଫେରାଇ ଆଣିବା ପାଇଁ ପ୍ରୟାସ କରୁଥିବା ସଂଗଠନକୁ ପ୍ରଶଂସା କରିଥିଲେ । ନାରୀ ଓ ଶକ୍ତିର ଅଧ୍ୟକ୍ଷା ସନ୍ଧ୍ୟା ମଲ୍ଲିକ ନାରୀମାନଙ୍କୁ ନିଜସ୍ୱ ସ୍ୱାଧୀନତା ଦିଆଗଲେ ସମାଜରେ ସେମାନେ ଉପଯୁକ୍ତ ସ୍ଥାନରେ ପହଂଚି ପାରିବେ ଓ ଫନିରେ ଭୁବନେଶ୍ୱରରେ ନଷ୍ଟ ହୋଇଥିବା ସୌନ୍ଦର୍ଯ୍ୟକୁ ଫେରାଇ ଆଣିବା ଏହାର ମୁଖ୍ୟ ଲକ୍ଷ୍ୟ ବୋଲି କହିଥିଲେ । ଶେଷରେ ସଂଗଠନର ସମ୍ପାଦିକା ମୋନାଲିସା ଦେଓ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରରେ ବହୁ ବିଶିଷ୍ଟ ବ୍ୟକ୍ତି, ସମାଜସେବୀ, ବୁଦ୍ଧିଜୀବି ଓ ସ୍ୱେଚ୍ଛାସେବୀ ସଂଗଠନର କର୍ମକର୍ତାମାନେ ଉପସ୍ଥିତ ଥିଲେ । ଓଡ଼ିଶା ସମାଚାର

About admin

Check Also

ଏମ୍ ରାମପୁର କୁ ରାଜସ୍ୱ ଉପଖଣ୍ଡ ମାନ୍ୟତା ଦାବି ରେ ୧୨ ଘଣ୍ଟିଆ ବନ୍ଦ ପାଳନ

କଳାହାଣ୍ଡି ,୬/୧୨/୨୧(ଓଡିଶା ସମାଚର /ସଂଜୟ ସିଂହ)-କଳାହାଣ୍ଡି ଜିଲ୍ଲା ରେ ଦିର୍ଘ ୪୦ବର୍ଷ ହେଲା ଏମ୍ ରାମପୁର ବ୍ଲକ କୁ ରାଜସ୍ୱ …

Leave a Reply

Your email address will not be published. Required fields are marked *