Saturday , September 25 2021
Breaking News
Home / ବିଶେଷ / ବାରମ୍ବାର ଅଭିଯୋଗ ପରେବି ଅସହାୟା  ମହିଳାଙ୍କ ଘର ସମ୍ମୁଖରୁ ବିଦ୍ୟୁତ ଖୁଂଟ ହଟୁନି

ବାରମ୍ବାର ଅଭିଯୋଗ ପରେବି ଅସହାୟା  ମହିଳାଙ୍କ ଘର ସମ୍ମୁଖରୁ ବିଦ୍ୟୁତ ଖୁଂଟ ହଟୁନି

କେନ୍ଦ୍ରାପଡା,୩୦/୦୬/୨୦୧୯ (ଓଡ଼ିଶା ସମାଚାର)- ସେସୁ,ତହସିଲଦାର ଓ ଜିଲ୍ଲାପାଳଙ୍କ ନିକଟରେ ବାରମ୍ବାର ଅଭିଯୋଗ କରିବା ପରେବି ଜଣେ ବିଧବା, ବୟଷ୍କା, ଅସହାୟା ମହିଳା ସରକାରଙ୍କ ଆବାସ ଯୋଜନାରେ ପାଇଥିବା ଘର ସମ୍ମୁଖରୁ ବିଦ୍ୟୁତ ଖୁଂଟଟି ହଟୁନାହିଁ । ଫଳରେ ସଂପୃକ୍ତ ମହିଳା ଘରୁ ପଦାକୁ ବାହାରିବାରେ ଗୁରୁତର ସମସ୍ୟାର ସମ୍ମୁଖିନ ହେଉଥିବା ଅଭିଯୋଗ ହୋଇଛି । ଏତଦ ବ୍ୟତିତ ବିଦ୍ୟୁତ ଆଘାତ ଲାଗିବାର ମଧ୍ୟ ସମ୍ଭାବନା ଦେଖାଦେଇଛି । ଘଟଣାରୁ ପ୍ରକାଶ ଯେ କେନ୍ଦ୍ରାପଡା ତହସିଲ ଅନ୍ତର୍ଗତ ସହରର ମହିପାଳ ଗ୍ରାମର ସୂର୍ଗତ ଅଲ୍ଲୀ ଖାଁଙ୍କ  ୬୫ବର୍ଷର ଅସହାୟା ବିଧବା ପତ୍ନୀ ହସିନା ବିବି  ସରକାରଙ୍କ ଆବାସ ଯୋଜନାରେ କାର୍ଯ୍ୟାଦେଶ ପାଇ ଏକ ଗୃହ ନିର୍ମାଣ କରି ରହୁଥିଲେ । ସେହି ଘର ସମ୍ମୁଖରେ ଏକ ବିଦ୍ୟୁତ ଖୁଂଟ ଥିଲା । ଗତ ଫନି ବାତ୍ୟାରେ ସେହି ଖୁଂଟଟି  ଉପୁଡି ପଡି ତାଙ୍କ ପାଇଖିନା ଉାପରେ ପଡିଯାଇଥିଲା । ଫଳରେ ସେ ଘରୁ ପଦାକୁ ବାହାରିବା ଓ ପାଇଖିନାକୁ ଯିବାରେ ଗୁରୁତର ସମସ୍ୟାର ସମ୍ମୁଖିନ ହୋଇଥିଲେ । ଏ ସମ୍ପର୍କରେ ସେ ସେସୁ କର୍ତୃପକ୍ଷ,ତହସିଲଦାରଙ୍କୁ ବାରମ୍ବାର ନିବେଦନକରି ଅସଫଳ ହେବାପରେ ଶେଷରେ ଜିଲ୍ଲାପାଳଙ୍କୁ  ନିବେଦନ କରିବା ପରେ କେନ୍ଦ୍ରାପଡା ତହସିଲ ଓ ସେସୁ ଅଧିକାରୀମାନେ ମିଳିତ ତଦନ୍ତ କରିଥିଲେ କିନ୍ତୁ ସେହି ସମସ୍ୟାର ସମାଧାନ ଅଦ୍ୟାବଧି ହୋଇନଥିବାରୁ ସଂପୃକ୍ତ ଅସହାୟା ବୟଷ୍କା ମହିଳା ଜଣଙ୍କ ପୁନର୍ବାର ଜିଲ୍ଲାପାଳଙ୍କୁ ନ୍ୟାୟ ପ୍ରଦାନ ନିମନ୍ତେ ନିବେଦନ କରିଥିବା ଜଣାପଡିଛି ।  ଓଡ଼ିଶା ସମାଚାର

About admin

Check Also

ଅଗ୍ନିକାଣ୍ଡରେ ୪ବଖରା ଘର ଜଳିଗଲା, ଗୁରୁତର ଗାଈକୁ ଉଦ୍ଧାର କରିବାକୁ ଯାଇ ରୁନିଲତା ଗୁରୁତର 

ତାରପୁର, ୨୪/୦୯/୨୦୨୧(ଓଡ଼ିଶା ସମାଚାର)-ରଘୁନାଥପୁର ତହସିଲ ଅନ୍ତର୍ଗତ ଚିକିଣିଆ ପଂଚାୟତ କଳାଧାରୀ ଗ୍ରାମର ବଟକୃଷ୍ଣ ଲେଙ୍କାଙ୍କ ଘରେ ଗତକାଲି ବିଳମ୍ବିତ ରାତିରେ …

Leave a Reply

Your email address will not be published. Required fields are marked *