ଏମ୍ବିବିଏସ୍ ଓ ବିଡିଏସ୍ କାଉନସେଲିଂ

ଭୁବନେଶ୍ୱର, ୨୨/୦୬/୨୦୧୯ (ଓଡ଼ିଶା ସମାଚାର)-ଏମ୍ବିବିଏସ୍ ଓ ବିଡିଏସ୍ ନାମ ଲେଖା ପାଇଁ  କାଉନସେଲିଂ  ପ୍ରକ୍ରିୟା  ଆରମ୍ଭ ହୋଇଛି । ୨୫ ତାରିଖ  ରାତି୧୧.୫୯ ପର୍ଯ୍ୟନ୍ତ ଆବେଦନକାରୀ ଅନ୍ଲାଇନ୍ରେ ନାମ ପଞ୍ଜୀକରଣ କରିପାରିବେ ।   ଜୁନ୍ ୨୬ରେ ପଞ୍ଜିକୃତ ଛାତ୍ରଛାତ୍ରୀମାନଙ୍କର ନାମ ପ୍ରକାଶ ପାଇବ । ଜୁନ୍ ୨୬ରୁ ୨୯ ତାରିଖ ପର୍ଯ୍ୟନ୍ତ ସକାଳ ୧୦ଟାରୁ ସନ୍ଧ୍ୟା୫ ପର୍ଯ୍ୟନ୍ତ ନୋଡାଲ କେନ୍ଦ୍ରରେ ଡକ୍ୟୁମେଂଟ ଯାଂଚ  କରାଯିବ । ଜୁଲାଇ  ୧  ତାରିଖରେ  ଷ୍ଟେଟ୍ ମେରିଟ୍ ଲିଷ୍ଟ ପ୍ରକାଶ ପାଇବ । ଜୁଲାଇ ୧ ଓ ୨ ତାରିଖ  ଦୁଇଦିନ  ଧରି  ଚୟସ୍  ଫିଲିଂ  ଓ  ଲକିଂ ପ୍ରକ୍ରିୟା ହେବ । ଜୁଲାଇ ୪ରେ ପ୍ରଥମ ପର୍ଯ୍ୟାୟ ଆଲଟ୍ମେଂଟ ପ୍ରକାଶ ପାଇବ । ଜୁଲାଇ ୫ରୁ ୯ ତାରିଖ  ପର୍ଯ୍ୟନ୍ତ  ପ୍ରଥମ  ପର୍ଯ୍ୟାୟ  ନାମଲେଖା ପ୍ରକ୍ରିୟା ଚାଲିବ । ଜୁଲାଇ ୧୨ ତାରଖ ସନ୍ଧ୍ୟା ୫ଟା ସୁଦ୍ଧା ପିଲାମାନଙ୍କୁ ଯେଉଁ କଲେଜରେ ନାମଲେଖା ଲାଗି  ଚୟନ  କରାଯାଇଥିବ  ସେମାନେ  ସମ୍ପୃକ୍ତ କଲେଜରେ ଜଏନିଂ ରିପୋର୍ଟ ଦାଖଲ କରିବେ । ସେହିପରି ଜୁଲାଇ ୨୪ରେ ବଳକା ସିଟ୍ ଲାଗି ତାଲିକା  ପ୍ରକାଶ  ପାଇବ ।  ୨୬  ରେ  ଦ୍ୱିତୀୟ ପର୍ଯ୍ୟାୟ   ଆଲଟ୍ମେଂଟ   ପ୍ରକାଶ   କରାଯିବ । ସେହିପରି ୨୭ରୁ ୩୦ ତାରିଖ ପର୍ଯ୍ୟନ୍ତ ତୃତୀୟ ପର୍ଯ୍ୟାୟ  ନାମଲେଖା  ଚାଲିବ  ବୋଲି  ଓଜେଇଇ  କର୍ତୃପକ୍ଷ ସୂଚନା ଦେଇଛନ୍ତି । ଓଡ଼ିଶା ସମାଚାର