Sunday , June 20 2021
Home / ରାଜନୀତି / ସରକାରୀ ସ୍କୁଲ୍ ପିଲାଙ୍କ ପାଇଁ ମେଡିକାଲ୍ ଇଂଜିନିୟରିଂରେ ସଂରକ୍ଷଣ ପାଇଁ ମୁଖ୍ୟମନ୍ତ୍ରୀଙ୍କୁ ଭେଟି ଅଭିନନ୍ଦନ ଜଣାଇଲା ସମାଜବାଦୀ ପାର୍ଟି

ସରକାରୀ ସ୍କୁଲ୍ ପିଲାଙ୍କ ପାଇଁ ମେଡିକାଲ୍ ଇଂଜିନିୟରିଂରେ ସଂରକ୍ଷଣ ପାଇଁ ମୁଖ୍ୟମନ୍ତ୍ରୀଙ୍କୁ ଭେଟି ଅଭିନନ୍ଦନ ଜଣାଇଲା ସମାଜବାଦୀ ପାର୍ଟି

ଭୁବନେଶ୍ୱର, ୩୦/୧୨/୨୦୨୦ (ଓଡ଼ିଶା ସମାଚାର)- ମାନ୍ୟବର ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ ବୈଠକରେ ସରକାରୀ ସ୍କୁଲ୍ ରେ ପଢ଼ୁଥିବା ପିଲାମାନଙ୍କ ପାଇଁ ଓଡ଼ିଶାର ମେଡିକାଲ୍ ଓ ଇଂଜିନିୟରିଂ କଲେଜ ମାନଙ୍କରେ ସ୍ଥାନ ସଂରକ୍ଷଣ ପ୍ରସ୍ତାବକୁ ଅନୁମୋଦନ କରାଯାଇଛି । କ୍ୟାବିନେଟ୍ ର ଏହି ଐତିହାସିକ ନିଷ୍ପତିକୁ ସମାଜବାଦୀ ପାର୍ଟି ପକ୍ଷରୁ ସ୍ୱାଗତ କରାଯିବା ସେଙ୍ଗସେଙ୍ଗ ଏହାର ସଭାପତି ରବି ବେହେରାଙ୍କ ନେତୃତ୍ୱରେ ଏକ ତିନିଜଣିଆ ପ୍ରତିନିଧି ଦଳ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକୁ ଗତକାଲି ସନ୍ଧ୍ୟା ୬ ଘଟିକା ସମୟରେ ନବୀନ ନିବାସଠାରେ ଭେଟି କୃତଜ୍ଞତା ଜ୍ଞାପନ କରିବା ସହିତ ପୁଷ୍ପଗୁଚ୍ଛ ଓ ସାଲ୍ ପ୍ରଦାନ କରି ସମ୍ବର୍ଦ୍ଧିତ କରିଛନ୍ତି । ରାଜ୍ୟ ସରକାରଙ୍କର ଏହି ନିଷ୍ପତି ଫଳରେ ବହୁ ଗରିବ, ମେଧାବୀ ଛାତ୍ରଛାତ୍ରୀ ଯେଉଁମାନେ ଗାଁ ଗହଳିରେ ସରକାରୀ ସ୍କୁଲ୍ ରେ ପାଠ ପଢୁଥିଲେ, ସେମାନେ ଡାକ୍ତର ଏବଂ ଇଂଜିନିୟର ହେବାର ସ୍ୱପ୍ନକୁ ସାକାର କରିପାରିବେ ବୋଲି ପାର୍ଟି ପକ୍ଷରୁ ପ୍ରଦତ ଏକ ସ୍ମାରକପତ୍ରରେ କୁହାଯାଇଛି । ଏହି ଅବସରରେ ଦଳ ପକ୍ଷରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଏକ ଚାରିଦଫା ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଛି । ଏହି ସ୍ମାରକପତ୍ରରେ (୧) ରାଜ୍ୟରେ ଛତୁ ଫୁଟିଲା ଭଳି ଗଢ଼ିଉଠୁଥିବା କୋଚିଙ୍ଗ୍ କେନ୍ଦ୍ର ଗୁଡ଼ିକୁ ନିୟନ୍ତ୍ରିତ କରିବା ପାଇଁ ଏକ ଆଇନ୍ ଆଣିବା (୨) ସରକାରୀ ସ୍କୁଲ୍ ରେ ପାଠ ପଢୁଥିବା ଗରିବ ମେଧାବୀ ଛାତ୍ରଛାତ୍ରୀଙ୍କୁ ଫିଟଜୀ, ଆକାଶ, ଆଲେନ୍, ବିଦ୍ୱାନ ଭଳି କୋଚିଙ୍ଗ୍ କେନ୍ଦ୍ରଗୁଡ଼ିକରେ ମେଡିକାଲ୍ ଓ ଇଂଜିନିୟରିଂ ପାଇଁ ପ୍ରଶିକ୍ଷଣ ଦେବାକୁ ଅନ୍ତତଃପକ୍ଷେ ସେମାନଙ୍କ ସିଟ୍ ସଂଖ୍ୟାର ୨୫ଭାଗ ଏହି ପିଲାଙ୍କ ପାଇଁ ସଂରକ୍ଷିତ ରଖିବାକୁ ପାର୍ଟି ପକ୍ଷରୁ ଏହି ସ୍ମାରକପତ୍ରରେ କୁହାଯାଇଛି । (୩) ରାଜ୍ୟ ସରକାର ଏହି କୋଚିଙ୍ଗ୍ ସେଂଟରରେ କୋଚିଙ୍ଗ୍ ନେବାକୁ ଯାଉଥିବା ପିଲାମାନଙ୍କ ପାଇଁ ରହିବାର ବ୍ୟବସ୍ଥା କରିବାକୁ ଏହି ସ୍ମାରକପତ୍ରରେ ଦାବି କରାଯାଇଛି । (୪) ସରକାରୀ ସ୍କୁଲ୍ ରେ ଖାଲି ପଡ଼ିଥିବା ଶିକ୍ଷକ/ଶିକ୍ଷୟିତ୍ରୀ ସ୍ଥାନ ପୂରଣ ସହିତ ଛାତ୍ରଛାତ୍ରୀମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିବା ପାଇଁ ଏହି ସ୍ମାରକପତ୍ରରେ କୁହାଯାଇଛି । ମାନ୍ୟବର ମୁଖ୍ୟମନ୍ତ୍ରୀ ସମ୍ବର୍ଦ୍ଧନାର ଉତରରେ ସ୍ମାରକପତ୍ରଟିକୁ ଗ୍ରହଣ କରି ଆଇନ୍ ଅନୁଯାୟୀ ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ ବୋଲି ଏହି ତିନିଜଣିଆ ପ୍ରତିନିଧି ଦଳଙ୍କୁ ପ୍ରତିଶ୍ରୁତି ଦେଇଛନ୍ତି । ଅନ୍ୟମାନଙ୍କ ମଧ୍ୟରେ ଏହି ପ୍ରତିନିଧି ଦଳରେ ପାର୍ଟିର ସାଧାରଣ ସମ୍ପାଦକ ସୁଦର୍ଶନ ପ୍ରଧାନ ଓ ରାଜ୍ୟ କାର୍ଯ୍ୟକାରୀ କମିଟି ସଦସ୍ୟ ଉମେଶ ସାହୁ ପ୍ରମୁଖ ମୁଖ୍ୟମନ୍ତ୍ରୀଙ୍କ ନିବାସକୁ ଯାଇ ସମ୍ବର୍ଦ୍ଧନାରେ ସାମିଲ୍ ହୋଇଥିଲେ । ଓଡ଼ିଶା ସମାଚାର

About admin

Check Also

ନୟାଗଡ଼ରେ ଲୋମହର୍ଷଣକାରୀ ପରୀ ଘଟଣାର ପୁନରାବୃତି

ଶିଶୁ ଅଧିକାର କମିଶନ ଘଟଣାସ୍ଥଳକୁ ତଦନ୍ତ ପାଇଁ ଯିବାକୁ ସମାଜବାଦୀ ପାର୍ଟିର ଦାବି ଭୁବନେଶ୍ୱର,୧୭/୦୬/୨୦୨୧(ଓଡ଼ିଶା ସମାଚାର)- ନୟାଗଡ଼ ଜିଲ୍ଲାରେ ପରୀ …

Leave a Reply

Your email address will not be published. Required fields are marked *