Monday , June 21 2021
Breaking News
Home / ରାଜନୀତି / ସଦସ୍ୟତା ଅଭିଯାନରେ ସବୁ ବର୍ଗର ଲୋକଙ୍କୁ ଯୋଡିବାକୁ ବିଜେପି କାର୍ଯ୍ୟକର୍ତାଙ୍କୁ କେନ୍ଦ୍ରମନ୍ତ୍ରୀଙ୍କ ଆହ୍ୱାନ

ସଦସ୍ୟତା ଅଭିଯାନରେ ସବୁ ବର୍ଗର ଲୋକଙ୍କୁ ଯୋଡିବାକୁ ବିଜେପି କାର୍ଯ୍ୟକର୍ତାଙ୍କୁ କେନ୍ଦ୍ରମନ୍ତ୍ରୀଙ୍କ ଆହ୍ୱାନ

 ସାଢେ ୪ କୋଟି ଓଡିଆଙ୍କ କଲ୍ୟାଣ ପାଇଁ ବିଜେପିକୁ ଆହୁରି ସୁଦୃଢ କରିବାକୁ ପଡିବ – ଧର୍ମେନ୍ଦ୍ର ପ୍ରଧାନ
ନୂଆଦିଲ୍ଲୀ / ଭୁବନେଶ୍ୱର, ୨୧/୦୭/୨୦୧୯ ( ଓଡ଼ିଶା ସମାଚାର )-ଓଡିଶାରେ ବିଜେପି ଏକ ବଡ ରାଜନୈତିକ ଶକ୍ତି ଭାବେ ଠିଆ ହୋଇଥିବା ବେଳେ ସାଢେ ୪ କୋଟି ଓଡିଆଙ୍କ କଲ୍ୟାଣ ପାଇଁ ବିଜେପିକୁ ଆହୁରି ଦୃଢ କରିବାକୁ ପଡିବ ଏବଂ ଏଥିପାଇଁ ବିଜେପିର ସଦସ୍ୟତା ଅଭିଯାନ ମାଧ୍ୟମରେ ସବୁ ବର୍ଗର ଲୋକଙ୍କୁ ଯୋଡିବାର ଆବଶ୍ୟକତା ରହିଛି ବୋଲି ସାମାଜିକ ଗଣମାଧ୍ୟମରେ ଦଳୀୟ କାର୍ଯ୍ୟକର୍ତାଙ୍କୁ ଆହ୍ୱାନ କରି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ଯେ ଜୁଲାଇ ୬ରୁ ଆରମ୍ଭ ହୋଇଥିବା ବିଜେପି ସଦସ୍ୟତା ଅଭିଯାନର ନେତୃତ୍ୱ ଖୋଦ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରୀୟ ସଭାପତି ଅମିତ ଶାହ ଏବଂ ଦଳର ରାଷ୍ଟ୍ରୀୟ କାର୍ଯ୍ୟକାରୀ ସଭାପତି ଜେ.ପି ନଡ୍ଡା ନେଉଛନ୍ତି । ଆସନ୍ତା ୧୧ ଅଗଷ୍ଟ ପର୍ଯ୍ୟନ୍ତ ଚାଲିବାକୁ ଥିବା ଏହି ସଦସ୍ୟତା ଅଭିଯାନର ଲକ୍ଷ୍ୟ ବିଜେପିକୁ ତୃଣମୂଳ ସ୍ତରରେ ମଜବୁତ କରିବା । ପୂର୍ବରୁ ଦଳରେ ସାମିଲ ହୋଇଥିବା ଏବଂ ନୂଆ କରି ଦଳରେ ଯୋଗଦେଇଥିବା ଲୋକଙ୍କର ଆଗ୍ରହ ଅନୁସାରେ ସେମାନଙ୍କୁ ଏହି ଅଭିଯାନରେ ଯୋଡିବା ଯୋଜନାର ମୂଳ ଲକ୍ଷ୍ୟ ଥିବାବେଳେ ଏହି ଅଭିନବ ଯୋଜନା ବିଗତ ଦିନରେ ସଫଳତା ଦେଇଥିବା ଶ୍ରୀ ପ୍ରଧାନ ପ୍ରକାଶ କରିଛନ୍ତି ।
ସେ ଆହୁରି କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ବୁଥ ସ୍ତରରେ ସଦସ୍ୟତା କରିବା ସହ ପଂଚବଟି ନିର୍ମାଣ ତଥା ୫ଟି ଔଷଧୀୟ ଗୁଣ ଯୁକ୍ତ ଗଛ କିମ୍ବା ଉପକାରୀ ଗଛ ଲଗାଇବା ପାଇଁ ଦଳର କାର୍ଯ୍ୟକର୍ତାଙ୍କୁ ଆହ୍ୱାନ କରିଛନ୍ତି । ଏହା ମାଧ୍ୟମରେ ରାଜନୈତିକ ସଂଗଠନ ସହ ସାମାଜିକ ଆନ୍ଦୋଳନ ମଧ୍ୟ ତିଆରି ହେବ । ନରେନ୍ଦ୍ର ମୋଦିଙ୍କର ସୁଶାସନକୁ ବୁଥ, ଗାଁଗଣ୍ଡା ଓ ପଂଚାୟତ ସ୍ତରରେ ପହଁଚାଇବା ପାଇଁ ହେଲେ ଦଳୀୟ ସଂଗଠନର ଦୃଢୀକରଣର ଆବଶ୍ୟକତା ଅଛି । ସଦସ୍ୟତା ଅଭିଯାନର ଧାର୍ଯ୍ୟ ସମୟ ସୀମା ମଧ୍ୟରେ ଦଳୀୟ କାର୍ଯ୍ୟକର୍ତାମାନେ ଓଡିଶାର ୩୮ ହଜାର ବୁଥକୁ ଯାଇ ସଦସ୍ୟତା କରିବା ତଥା ମିସ୍ କଲ୍ ମାଧ୍ୟମରେ ସଦସ୍ୟତା କରିବା ଓ ପ୍ରତ୍ୟକ୍ଷ ଫର୍ମ ପୂରଣ କରି ସମାଜର ସବୁ ବର୍ଗ ଯଥା ଯୁବ, ମହିଳା, ଚାଷୀ, ପଛୁଆ, ଦଳିତ, ଆଦିବାସୀ, ଶିକ୍ଷକ, ବୁଦ୍ଧିଜୀବୀ, ଲେଖକ, କଳାକାର, ବରିଷ୍ଠ ଓ ନୂଆପିଢୀର ଲୋକମାନଙ୍କୁ ଓଡିଆ ସମାଜକୁ ଯୋଡିବାର ଗୋଟିଏ ଅପୂର୍ବ ସୁଯୋଗ ମିଳିଛି ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି । ଶ୍ରୀ ପ୍ରଧାନ ଦଳୀୟ କାର୍ଯ୍ୟକର୍ତାଙ୍କୁ ସମ୍ବୋଧନ କରି କହିଛନ୍ତି ଯେ, ବୁଥ ସ୍ତରର କାର୍ଯ୍ୟକର୍ତାମାନେ ନିଜ ଅଂଚଳରେ ବୁଥକୁ ମଜବୁତ୍ କରନ୍ତୁ । ଚଳିତ ନିର୍ବାଚନରେ ବିଜେପିକୁ ମିଳିଥିବା ଭୋଟ ତୁଳନାରେ ଆଗାମୀ ଦିନରେ କିଭଳି ଭୋଟ ସଂଖ୍ୟା ବୃଦ୍ଧି ହେବ, କେଉଁ ବର୍ଗର ଲୋକଙ୍କୁ ଯୋଡିଲେ ବୁଥରେ ଭୋଟ ସଂଖ୍ୟା ବଢିବ ତାହାକୁ ଦୃଷ୍ଟିରେ ରଖି ସଦସ୍ୟତା କରନ୍ତୁ । ଏଥିପାଇଁ ବ୍ୟକ୍ତିଗତ ସମୟ ବାହାର କରି ବିଭିନ୍ନ ପ୍ରକ୍ରିୟା ମାଧ୍ୟମରେ ପ୍ରତିଦିନ ସଦସ୍ୟତା କରିବାକୁ ସେ କହିଛନ୍ତିି । ମୋବାଇଲରୁ ୮୯୮୦୮୦୮୦୮୦ ରେ ମିସ୍ କଲ୍ କରି ବିଜେପି ସହ ଯୋଡିହେବା ଏବଂ ଦେଶରେ ସୁଶାସନ ପ୍ରତିଷ୍ଠା ସହ ନୂଆ ଭାରତ ଓ ନୂଆ ଓଡିଶା ତିଆରି କରିବା ପାଇଁ ସମସ୍ତେ ପରିଶ୍ରମ କରିବା ଏବଂ ସୁଦୃଢ ସଂଗଠନ ମାଧ୍ୟମରେ ଏହି ସମାଜକୁ ନିର୍ମାଣ କରାଯାଇପାରିବ ବୋଲି ଶ୍ରୀ ପ୍ରଧାନ କହିଛନ୍ତି । ଓଡ଼ିଶା ସମାଚାର

About admin

Check Also

ଋାହୁଳ ଙ୍କ ଜନ୍ମ ଦିନରେ ମାସ୍କ ବଂଟନ 

ଗରଦପୁର, ୧୯/୦୬/୨୦୨୧(ଓଡ଼ିଶା ସମାଚାର)-ପାଟକୁରା କଂଗ୍ରେସ ପକ୍ଷରୁ କଂଗ୍ରେସର ପ୍ରାକ୍ତନ ସଭାପତି ରାହୁଳ ଗାନ୍ଧିଙ୍କ ୫୧ତମ ଜନ୍ମ ତିଥି ଆଜି ପାଳନ …

Leave a Reply

Your email address will not be published. Required fields are marked *