Thursday , August 5 2021
Breaking News
Home / ବିଶେଷ / ମରଣାନ୍ତକ ଆକ୍ରମଣ ଘଟଣାରେ ପୋଲିସର ନିଷ୍କ୍ରୀୟତା ବିରୁଦ୍ଧରେ ଜିଲ୍ଲାପାଳଙ୍କୁ ଅଭିଯୋଗ

ମରଣାନ୍ତକ ଆକ୍ରମଣ ଘଟଣାରେ ପୋଲିସର ନିଷ୍କ୍ରୀୟତା ବିରୁଦ୍ଧରେ ଜିଲ୍ଲାପାଳଙ୍କୁ ଅଭିଯୋଗ

କେନ୍ଦ୍ରାପଡ଼ା, ୦୯/୦୭/୨୦୨୧(ଓଡ଼ିଶା ସମାଚାର)- ଏକ ମରଣାନ୍ତକ ଆକ୍ରମଣ ଘଟଣାରେ କେନ୍ଦ୍ରାପଡା ସଦର  ଥାନା ପୋଲିସର ନିଷ୍କ୍ରୀୟତା ପ୍ରତିବାଦରେ ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି । କେନ୍ଦ୍ରାପଡା ସଦର ଥାନା ଅନ୍ତର୍ଗତ ସାହାସପୁର ହଳଦିଢିହ ଗ୍ରାମର ନଙ୍ଗୁଳି ନାୟକଙ୍କ ପୁଅ ଗିରିଧାରୀ ନାୟକ ସଦର ଥାନାରେ ଅଭିଯୋଗ କରିଛନ୍ତି ଯେ ସେ ଗତ ଜୁନମାସ ୨୨ତାରିଖ ସକାଳେ ଘରୁ ବାଇକରେ ମଜୁରୀ ଲାଗିବା ପାଇଁ କେନ୍ଦ୍ରାପଡା ସହରକୁ ଯାଉଥିବା ସମୟରେ ସାନ୍ତସାହି ଗଣ୍ଡାଖିଆ ରାସ୍ତାର ନାନୋ ସୋରୁମ୍ ନିକଟରେ ଜ୍ଞାନରଞ୍ଜନ ନାୟକ ଓରଫ ବାପି ଏକ ଗଛ ଉହାଡାରୁ ହଠାତ୍ ବାହାରି  ଗିରିଧାରୀଙ୍କ  ବାଇକକୁ ଅଟକାଇ ଥିଲା । ହଠାତ୍ ଗିରିଧାରିଙ୍କ କଲର ଧରି ବାଇକରୁ ଘୋଷାଡି ଆଣି ତାଙ୍କୁ ମାଡ ମାରିବା ସହିତ ପଥରରେ ତାଙ୍କ ମୁଣ୍ଡକୁ ଛେଚି ଜୀବନରେ ମାରିଦେବାକୁ ଉଦ୍ୟମ କରିବା ସମୟରେ ଗିରିଧାରୀ ପଛକୁ ଘୁଚିଂଯିବାରୁ ରକ୍ଷା ପାଇଯାଇଥିଲେ । ଏହା ପରେ ବାପି ଗିରିଧାରୀଙ୍କ ଉପରକୁ ପଥର ପକାଇବାରେ ତାଙ୍କ ଗୋଡରେ ଗଭୀର ଆଘାତ ଲାଗିଥିଲା । ଗିରିଧାରୀଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ପହଁଚିବାରୁ ବାପି ସେଠାରୁ ବାଇକରେ ଦ୍ରୁତ ଗତିରେ ପଳାଇ ଯାଇଥିଲା । ଏହା ପୂର୍ବରୁ  ମଧ୍ୟ ବାପି ଗିରିଧାରୀ ଓ ତାଙ୍କ ପତ୍ନୀଙ୍କୁ ବାରମ୍ବାର ଆକ୍ରମଣ କରିଥିବା ନେଇ ସଦର ଥାନାରେ ଅଭିଯୋଗ ହୋଇଛି । କିନ୍ତୁ ସଦରଥାନା ପୋଲିସର ଉଦାସୀନତା ଯୋଗୁ ଗିରିଧାରୀଙ୍କ ଅଭିଯୋଗ ପଞ୍ଜିକୃତ ନ ହେବା ସହିତ ସଂପୃକ୍ତ ଅଭିଯୁକ୍ତକୁ ପୋଲିସ ସୁରକ୍ଷା ଦେଉଥିବା ନେଇ ଗିରିଧାରୀ ଅଭିଯୋଗ କରିଛନ୍ତି । ଯଦି ଭବିଷ୍ୟତରେ ଗିରିଧାରୀ କିମ୍ବା ତାଙ୍କ ପରିବାରର କାହାରି ଜୀବନ ହାନି ହୁଏ ସେଥିପାଇଁ ସଦରଥାନା ପୋଲିସ ଦାୟୀ ରହିବ ବୋଲି ଗିରିଧାରୀ କହିଛନ୍ତି । ଓଡ଼ିଶା ସମାଚାର

About admin

Check Also

କାଠଯୋଡ଼ି ନଦୀ ପୋଲର ମରାମତି ପାଇଁ ଏହି ପୋଲ ଉପରେ ତିନି ମାସ ପର୍ଯ୍ୟନ୍ତ ସମସ୍ତ ପ୍ରକାର ଯାନ ବାହାନ ଚଳାଚଳ ବନ୍ଦ ରହିବ

ଭୁବନେଶ୍ୱର,୦୪/୦୮/୨୦୨୧(ଓଡ଼ିଶା ସମାଚାର)- କାଠଯୋଡ଼ି ନଦୀ ପୋଲର ମରାମତି ପାଇଁ ଏହି ପୋଲ ଉପରେ ଆଜି ଠାରୁ ଆସନ୍ତା ତିନି ମାସ …

Leave a Reply

Your email address will not be published. Required fields are marked *