Tuesday , June 15 2021
Breaking News
Home / ବିଶେଷ / ବିଭିନ୍ନ ସ୍ଥାନରେ ମହାଶିବରାତ୍ରୀ ପାଳିତ :କଡା କୋଭିଡ କଟକଣା ମଧ୍ୟରେ ମହାଦେବଙ୍କୁ ଦର୍ଶନ କଲେ ଭକ୍ତ

ବିଭିନ୍ନ ସ୍ଥାନରେ ମହାଶିବରାତ୍ରୀ ପାଳିତ :କଡା କୋଭିଡ କଟକଣା ମଧ୍ୟରେ ମହାଦେବଙ୍କୁ ଦର୍ଶନ କଲେ ଭକ୍ତ

 ବାଲିଗୁଡା, ୧୧/୦୩/୨୦୨୧.(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): ଆଜି ହେଉଛି ମହା ଶିବରାତ୍ରି । ଆଜିର ଦିନରେ ଦେବ ଦେବ ମହାଦେବଙ୍କୁ ଦର୍ଶନ କଲେ ଜନ୍ମ ଜନ୍ମାନ୍ତର ପାପ ଦୂର ହୁଏ ବୋଲି ବିଶ୍ୱାସ ରହିଛି । ସକାଳୁ ସକାଳୁ ମହାଦେବଙ୍କ ଦର୍ଶନ କରି ଦିନସାରା ଉପବାସ ରହି ମଧ୍ୟରାତ୍ର ରେ ମହାଦୀପ ଦର୍ଶନ କରି ଜାଗର ପାଳନ କରିଲେ ଦେବ ଦେବ ମହାଦେବ ତାର ମାନସିକ ପୁର୍ଣ୍ଣ କରିଥାନ୍ତି ବୋଲି ବିଶ୍ୱାସ ରହିଛି । ପୌରାଣିକ କିମ୍ବଦନ୍ତି ଅନୁଯାୟୀ ସମୁଦ୍ର ମନ୍ଥନରେ ବାହାରିଥିବା ହଳାହଳ ବିଷକୁ ଆଜି ମହାଦେବ ପାନ କରି ଶୋଇ ରହିଥିଲେ । ସମସ୍ତ ଦେବତା ମାନେ ମହାଦେବଙ୍କୁ ଜଗି ରହିଥିଲେ । ଏହି କିମ୍ବଦନ୍ତିକୁ ଆଧାର କରି ଲୋକେ ଆଜିର ଦିନରେ ଜାଗର ପାଳନ କରୁଥାନ୍ତି । ତେବେ ପ୍ରତିବର୍ଷ ଏହି ଶିବରାତ୍ର କୁ ଧୁମ୍ ଧାମ୍ ପାଳନ କରାଯାଉଥିବା ବେଳେ ଚଳିତ ବର୍ଷ କୋଭିଡ୍ କଟକଣା ମାନି ଶିବରାତ୍ର ପାଳନ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ମୁହଁ ରେ ମାସ୍କ ପିନ୍ଧିବା ସହ ସାନିଟାଇଜର ବ୍ୟବହାର କରିବା ଓ ସାମାଜିକ ଦୂରତା ରଖି ମନ୍ଦିର ଭିତରକୁ ପ୍ରବେଶ କରିବା ପାଇଁ ଜିଲ୍ଲା ପ୍ରଶାସନ ଅନୁମତି ଦେଇଛନ୍ତି । ଏଣୁ ଆଜି କନ୍ଧମାଳ ଜିଲ୍ଲାର ପ୍ରତ୍ୟେକ ସହରର ବିଭିନ୍ନ ଶୈବ ପୀଠରେ କୋଭିଡ୍ ଗାଇଡଲାଇନ ଅନୁଯାୟୀ ଶିବରାତ୍ରୀ ପାଳନ କରାଯାଇଥିବା ଦେଖିବାକୁ ମିଳିଥିଲା । ସହରର ବିଭିନ୍ନ ଶୈବ ପୀଠ ଗୁଡିକରେ ପୋଲିସ ମୃତୟନ ରହି ମନ୍ଦିର ମାନଙ୍କରେ କୋଭିଡ୍ ଗାଇଡଲାଇନ୍ ପାଳନ କରାଯାଉଛି କି ନାହିଁ ତାହାର ଅନୁଧ୍ୟାନ କରିଛନ୍ତି । ବାଲିଗୁଡା  ସହରରେ ଥିବା ରାମେଶ୍ୱର, ବିରୁପାକ୍ଷ, ଦଣ୍ଡପଦରରେ ଥିବା ଧବଳେଶ୍ୱର, ସୁରୁବାଲି ର ଖଡ଼ଗେଶ୍ୱର,ଜାଲେଶପଟ୍ଟାରେ ଥିବା ଜଳେଶ୍ୱର, ବାରଖମାର ବାବା ଧବଳେଶ୍ୱର, ଟିକାବାଲି ନିକଟସ୍ଥ ଡୁଙ୍ଗିର ପଞ୍ଚ ଲିଙ୍ଗେଶ୍ୱର,ଓ ଚକାପାଦର ବିରୁପାକ୍ଷ ମନ୍ଦିର ମାନଙ୍କରେ ମନ୍ଦିର କମିଟି ମାନଙ୍କ ଦ୍ୱାରା ମନ୍ଦିର ଗେଟ ସମ୍ମୁଖରେ ସାନିଟାଇଜର ରଖିବା ସହିତ ମାସ୍କ ପିନ୍ଧିବା ପାଇଁ ଭକ୍ତଙ୍କୁ ଅନୁରୋଧ କରାଯାଉଥିବା ଦେଖିବାକୁ ମିଳିଛି । ତେବେ ଗତ ବର୍ଷ କରୋନା ମହାମାରୀ ଯୋଗୁଁ କୌଣସି ଶୈବ ପୀଠରେ ଶିବରାତ୍ରି ପାଳନ କରାଯାଇନଥିବା ବେଳେ ଚଳିତ ବର୍ଷ କୋଭିଡ୍ କଟକଣା ଅନୁଯାୟୀ ଶିବରାତ୍ରି ପାଳନ ହେଉଥିବାରୁ ଭକ୍ତ ମାନେ ଖୁସି ପ୍ରକଟ କରିଛନ୍ତି । ଓଡ଼ିଶା ସମାଚାର

About admin

Check Also

କରୋନା ସମୟରେ ସ୍ୱାସ୍ଥ୍ୟ ସଚେତନତା ନେଇ ନେଇ ଉତ୍କଳ ବିକାଶ ପରିଷଦରର ଭରଚୁଆଲ ବୈଠକ

କଟକ, ୧୪/୦୬/୨୦୨୧ (ଓଡିଶା ସମାଚାର): କଟକ ଜିଲ୍ଲାର ଅଗ୍ରଣୀ ସାମାଜିକ ସଂଗଠନ ‘ଉତ୍କଳ ବିକାଶ ପରିଷଦ'(ଉବିପ)  ଆନୁକୂଲ୍ୟରେ କରୋନା ସମୟରେ …

Leave a Reply

Your email address will not be published. Required fields are marked *