Tuesday , June 15 2021
Breaking News
Home / ବିଶେଷ / ପୁଅର କଟୁରୀ ଚୋଟରେ ବାପର ମୃତ୍ୟୁ – ଅଭିଯୁକ୍ତ ପୁଅ ଗିରଫ

ପୁଅର କଟୁରୀ ଚୋଟରେ ବାପର ମୃତ୍ୟୁ – ଅଭିଯୁକ୍ତ ପୁଅ ଗିରଫ

ଝାରସୁଗୁଡ଼ା, ୧୩/୦୧/୨୦୨୧ (ଓଡ଼ିଶା ସମାଚାର)- ବାପା ମଦ ପିଇ ମା କୁ ମାରଧର କରୁଥିବାରୁ ଏହାର ପ୍ରତିବାଦ କରି ପୁଅ ନିଜ ବାପାଙ୍କୁ କଟୁରୀରେ ହାଣି ହତ୍ୟା କରିଛି। ଏଭଳି ଏକ ଅଭାବନୀୟ ଘଟଣାଘଟିଛି ଝାରସୁଗୁଡ଼ା ଜିଲା ବଡ଼ମାଲ ଥାନା ଅନ୍ତର୍ଗତ ବଞ୍ଜାରୀ ହରିଜନପଡ଼ାରେ । ପୁଲିସ ଅଭିଯୁକ୍ତ ପୁଅ ମାନିକ ଚନ୍ଦ୍ର ବେହେରାକୁ ଗିରଫ କରିଛି।
ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ମାନିକ ର ବାପା ଲକ୍ଷ୍ମଣ ବେହେରା(୫୨) ପ୍ରତିଦିନ ମଦ ପିଇ ଘରେ ପାଟିତୁଣ୍ଡ କରିବା ସହ ସ୍ତ୍ରୀ କୁ ମରାପିଟା କରୁଥିଲା। ମଙ୍ଗଳବାର ସନ୍ଧ୍ୟାରେ ମଧ୍ୟ ଅନୁରୂପ ଭାବେ ପାଟିତୁଣ୍ଡ ଓ ମରାପିଟା କରୁଥିଲା। ମାନିକ ବାପାଙ୍କ ଏହିପରି କାର୍ଯ୍ୟକୁ ବିରୋଧ କରିଥିଲା ଓ ବାପାଙ୍କୁ ଶାନ୍ତ ହେବାକୁ ବୁଝାଇଥିଲେ ହେଁ ବାପା ଲକ୍ଷ୍ମଣ ଚୁପ୍ ହେଉ ନ ଥିବାରୁ ମାନିକ ରାଗିଯାଇ ବାପାକୁ ଆକ୍ରମଣ ଆରମ୍ଭ କରିଦେଲା । ବାପା ଲକ୍ଷ୍ମଣ ପ୍ରତି ଆକ୍ରମଣ କରିବାରୁ ମାନିକ ଘର ଭିତରୁ ଏକ କଟୁରୀ ଆଣି ସିଧା ନିଜ ବାପା ବେକରେ ଚୋଟ ମାରିଥିଲା। ଫଳରେ ଲକ୍ଷ୍ମଣ ରକ୍ତାକ୍ତ ଅବସ୍ଥାରେ ସେହିଠାରେ ଟଳିପଡ଼ିଥିଲା ଓ ଓ ସେଠାରେ ବାପାଙ୍କର ମୃତ୍ୟୁ ହୋଇଥିଲା। ଆଜି ଏ ସଂକ୍ରାନ୍ତାରେ ଲକ୍ଷ୍ମଣର ଭାଇ ବୀରେନ୍ଦ୍ର ବେହେରା ବଡ଼ମାଲ ଥାନାରେ ଅଭିଯୋଗ କରିବା ପରେ ପୁଲିସ ମାମଲା ସଂଖ୍ୟା ୧୧/୨୦୨୧ରେ ୩୦୨ଦଫାରେ ମାମଲା ରୁଜୁ କରି ଅଭିଯୁକ୍ତ ପୁଅ ମାନିକକୁ ଗିରଫ କରି କୋର୍ଟଚାଲାଣ କରିଥିଲା। ସେଠାରେ ଜାମିନ ନାମଞ୍ଜୁର ହେବାପରେ ତାକୁ ଜେଲ ହାଜତକୁ ପଠାଇ ଦିଆଯାଇଛି ।ଓଡ଼ିଶା ସମାଚାର

About admin

Check Also

କରୋନା ସମୟରେ ସ୍ୱାସ୍ଥ୍ୟ ସଚେତନତା ନେଇ ନେଇ ଉତ୍କଳ ବିକାଶ ପରିଷଦରର ଭରଚୁଆଲ ବୈଠକ

କଟକ, ୧୪/୦୬/୨୦୨୧ (ଓଡିଶା ସମାଚାର): କଟକ ଜିଲ୍ଲାର ଅଗ୍ରଣୀ ସାମାଜିକ ସଂଗଠନ ‘ଉତ୍କଳ ବିକାଶ ପରିଷଦ'(ଉବିପ)  ଆନୁକୂଲ୍ୟରେ କରୋନା ସମୟରେ …

Leave a Reply

Your email address will not be published. Required fields are marked *