Sunday , June 20 2021
Home / ରାଜନୀତି / ନୂଆପଡ଼ା ଠାରେ ଥିବା କେନ୍ଦ୍ରୀୟ ବିଦ୍ୟାଳୟ କୁ ନିଶ୍ଚିତ କରନ୍ତୁ ଜିଲ୍ଲାପାଳ- ବିଜେପି

ନୂଆପଡ଼ା ଠାରେ ଥିବା କେନ୍ଦ୍ରୀୟ ବିଦ୍ୟାଳୟ କୁ ନିଶ୍ଚିତ କରନ୍ତୁ ଜିଲ୍ଲାପାଳ- ବିଜେପି

କଟକସଦର,୨୦/୦୨/୨୦୨୧(ଓଡିଶା ସମାଚାର/ଅଭୟ ଜେନା): କଟକ ନଗର ପୂର୍ବାଞ୍ଚଳ ଉନ୍ନୟନ ସମିତି ଜିଲ୍ଲା ପାଳଙ୍କ ସମ୍ମୁଖରେ ରଖିଥିବା ଯୁକ୍ତି ଓ ଅଞ୍ଚଳର ବିକାଶ ପାଇଁ ଦାବିକୁ ଭାରତୀୟ ଜନତା ପାର୍ଟି ପକ୍ଷରୁ ସମର୍ଥନ ରହିଛି ବୋଲି ଭାଜପା ନେତା ଦିଲ୍ଲୀପ ମଲ୍ଲିକ ପ୍ରକାଶ କରିଛନ୍ତି। ଦୀର୍ଘ କୋଡ଼ିଏ ବର୍ଷ ଧରି କଟକ ସଦର ନିର୍ବାଚନମଣ୍ଡଳୀ ଅନ୍ତର୍ଗତ ମହାନଗର ନିଗମର ୱ।ଡ଼ ନଂ -୫୦,୫୧,୫୬,୫୭,୫୮,୫୯ ସମୁଦାୟ ଛଅ ଗୋଟି ୱ।ଡ୍ କୁ ସର୍ବଦା ଅଣ ଦେଖା କରିଆସିଛି ପ୍ରଶାସନ। ନୂଆପଡ଼ା ଅଞ୍ଚଳରେ ବସ୍ତି ବାସିନ୍ଦାଙ୍କୁ ଥଇଥାନ ନିଷ୍ପତ୍ତି ପ୍ରସଙ୍ଗରେ ଜିଲ୍ଲା ପ୍ରଶାସନ ପାଖରେ କଟକ ନଗର ପୂର୍ବାଞ୍ଚଳ ଉନ୍ନୟନ ସମିତି ର ସଦସ୍ୟ ଅଞ୍ଚଳର ମୁରବି ମାନେ ଅଭିଯୋଗ ଓ ଯୁକ୍ତି ଗତ ପ୍ରସଙ୍ଗରେ ଆଲୋଚନା କଲାବେଳେ ଜିଲ୍ଲାପାଳ ପ୍ରଶାସନ ସହ ଲଢେ଼ଇ କର ନାହିଁ ବୋଲି ଧମକ ଦେବା ଅତ୍ୟନ୍ତ ଦୁର୍ଭାଗ୍ୟଜନକ। ପ୍ରଶାସନ ଓ ଜିଲ୍ଲାପାଳ ଜିଲ୍ଲା ର ନାଗରିକ ଙ୍କୁ ସେବା ସୁବିଧା ଓ ସୁରକ୍ଷା ଯୋଗାଇବା ପ୍ରଥମ ଦାଇତ୍ୱ ରହିଥିଲା ବେଳେ ଲୋକଙ୍କୁ ପ୍ରଶାସନ ର ଡର ଦେଖାଇବା ଜିଲ୍ଲାପାଳଙ୍କୁ ଶୋଭା ପାଉନଥିବା ଶ୍ରୀ ମଲ୍ଲିକ ଯୁକ୍ତି କରିଛନ୍ତି ‌। ନୂଆପଡ଼ା ଠାରେ ୧୦ ବର୍ଷ ତଳୁ କେନ୍ଦ୍ରୀୟ ବିଦ୍ୟାଳୟ ପାଇଁ ସ୍ଥାନ କୁ ସମତୁଲ କରି ସ୍ଥାନାନ୍ତର କରିବା ଫାଇଲ୍ କାହିକି ପଡ଼ିରହିଛି ବୋଲି ପ୍ରଶ୍ନ କରିଛନ୍ତି। ସ୍ଥାନୀୟ ଅଞ୍ଚଳ ବାସି ଓ ଅଭିଭାବକ ବାରମ୍ବାର ଜିଲ୍ଲାପାଳଙ୍କ ଅଫିସ୍ କୁ ଦଉଡ଼ି ଦଉଡ଼ି କୌଣସି ସୁଫଳ ମିଳିନାହିଁ। ସେହିପରି ସହର ମଧ୍ୟରୁ ବସ୍ତି ବାସିନ୍ଦାଙ୍କୁ ଉଠାଇ ସହର ଉପକଣ୍ଠରେ ଥଇଥାନ କରାଯିବା ସହିତ ନୂଆପଡ଼ା ଓ ସାର୍ତ୍ତୋଳ ଅଞ୍ଚଳ ରେ ଥିବା ସମସ୍ୟା ର ସମାଧାନ ଦିଗରେ ଜିଲ୍ଲାପାଳ ଦୃଷ୍ଟି ଦେବାକୁ ଶ୍ରୀ ମଲ୍ଲିକ ଦାବି କରିଛନ୍ତି। ଓଡ଼ିଶା ସମାଚାର

About admin

Check Also

ନୟାଗଡ଼ରେ ଲୋମହର୍ଷଣକାରୀ ପରୀ ଘଟଣାର ପୁନରାବୃତି

ଶିଶୁ ଅଧିକାର କମିଶନ ଘଟଣାସ୍ଥଳକୁ ତଦନ୍ତ ପାଇଁ ଯିବାକୁ ସମାଜବାଦୀ ପାର୍ଟିର ଦାବି ଭୁବନେଶ୍ୱର,୧୭/୦୬/୨୦୨୧(ଓଡ଼ିଶା ସମାଚାର)- ନୟାଗଡ଼ ଜିଲ୍ଲାରେ ପରୀ …

Leave a Reply

Your email address will not be published. Required fields are marked *