Sunday , June 20 2021
Home / ବିଶେଷ / ଜେଲ୍ ଗଲେ ନିର୍ବାହୀ ଅଧିକାରୀ

ଜେଲ୍ ଗଲେ ନିର୍ବାହୀ ଅଧିକାରୀ

ଢେଙ୍କାନାଳ, ୨୪/୦୭/୨୦୧୯(ଓଡ଼ିଶା ସମାଚାର)- ଢେଙ୍କାନାଳ ଜିଲ୍ଲା କଙ୍କଡାହାଡ ବ୍ଲକ ଘାଗରାମୁଣ୍ଡା ଗ୍ରାମପଂଚାୟତର କାର୍ଯ୍ୟ ନିର୍ବାହୀ ଅଧିକାରୀ ବିମଳକାନ୍ତ ବର୍ମା ୧ କୋଟିରୁ ଊଦ୍ଧ୍ୱର୍ ସରକାରୀ ଅର୍ଥ ଆତ୍ମସାତ କରିଥିବା ଅଭିଯୋଗରେ ପୁଲିସ ଦ୍ୱାରା ଗିରଫ ହୋଇ ଜେଲ୍ ଯାଇଛନ୍ତି । ଶ୍ରୀ ବର୍ମା ଚାନ୍ଦପୁର ଗ୍ରାମପଂଚାୟତର ନିର୍ବାହୀ ଅଧିକାରୀ ଥିବାବେଳେ ସରକାରୀ ଅର୍ଥ ତୋଷରପାତ କରିବା ନେଇ କାର୍ଯ୍ୟରୁ ନିଲମ୍ବିତ ହୋଇଥିଲେ । ତକ୍ରାଳୀନ କଙ୍କଡାହାଡ ବିଡିଓଙ୍କ ଏତଲା କ୍ରମେ ଶ୍ରୀ ବର୍ମାଙ୍କ ବିରୁଦ୍ଧରେ ପର୍ଜଙ୍ଗ ଥାନାରେ ତା ୧୫ା୧୦ା୨୦୧୮ରେ କେସ ନଂ ୨୪୭/୧୮ରେ ମାମଲା ରୁଜୁ ହୋଇଥିଲା । ଶ୍ରୀ ବର୍ମାଙ୍କ ବିରୁଦ୍ଧରେ ମାମଲା ରୁଜୁ ହେବାପରେ ସେ ଫେରାର ହୋଇ ଯାଇଥିଲେ । ତେବେ ଏହି ମାମଲାର ତଦନ୍ତକାରୀ ଅଧିକାରୀ ଦଦରାଘାଟୀ ଫାଣ୍ଡି ଅଧିକାରୀ ସବଇନସପେକ୍ଟର ସମରଜିତ ନାୟକ ଓ ତାଙ୍କ ସହଯୋଗୀ ଗତକାଲି ବିଳମ୍ବିତ ରାତିରେ ଶ୍ରୀ ବର୍ମାଙ୍କ ଘରେ ଚଢାଉ କରି ତାଙ୍କୁ ଗିରଫ କରିଥିଲେ । ଶ୍ରୀ ବର୍ମାଙ୍କୁ କୋର୍ଟ ଚାଲାଣ କରାଯିବା ପରେ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲକୁ ପଠାଇ ଦିଆଯାଇଛି । ଓଡ଼ିଶା ସମାଚାର

About admin

Check Also

ବେଦାନ୍ତ ପକ୍ଷରୁ ଓଡ଼ିଶାର କଳାହାଣ୍ଡିରେ ୨୦୦ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଲୋକାର୍ପିତ

• ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଏକ ଭର୍ଚୁଆଲ ସମାରୋହରେ ଏହି ହସ୍ପିଟାଲ କୁ ଜନ ସାଧାରଣଙ୍କ …

Leave a Reply

Your email address will not be published. Required fields are marked *