Monday , June 21 2021
Breaking News
Home / ବିଶେଷ / ଜନବିଷ୍ଫୋରଣ ଦେଶର ବିକାଶରେ ମୁଖ୍ୟ ବାଧକ

ଜନବିଷ୍ଫୋରଣ ଦେଶର ବିକାଶରେ ମୁଖ୍ୟ ବାଧକ

ଜଗତସିଂହପୁର, ୧୧/୦୭/୨୦୧୯ (ଓଡ଼ିଶା ସମାଚାର ଲିଲନପ୍ରଭା ପାଢ଼ୀ)- ଜଗତସିଂହପୁର ସାରସ୍ୱତ ପରିଷଦ ପକ୍ଷରୁ ଆଜି ବିଶ୍ୱଜନସଂଖ୍ୟା ଦିବସ ଓ ଆଲୋଚନା ଚକ୍ର ତରଡାପଡା ସ୍ଥିତ ଆଇ.ଟି.ଆଇ ପରିସରରେ ଅନୁଷ୍ଠିତ ହୋଇଯାଇଛି । ‘ଜନବିଷ୍ଫୋରଣ ଓ ଜନ ବିକାଶ’-ଶୀର୍ଷକ ଆଲୋଚନାଚକ୍ରରେ ପରିଷଦର ସଭାପତି ଅଧ୍ୟାପକ ହିମାଂଶୁ ଆଚାର୍ଯ୍ୟ ଅଧ୍ୟକ୍ଷତା କରି ଜନବିଷ୍ଫୋରଣ ଦେଶର ବିକାଶରେ ମୁଖ୍ୟବାଧକ ବୋଲି କହିଥିଲେ । ଏôତରେ ମୁଖ୍ୟ ଆଲୋଚକ ଭାବେ ଶିକ୍ଷାବିତ୍ ନିକୁଞ୍ଜକିଶୋର ବେହେରା ଯୋଗଦେଇ ବର୍ତମାନ ଭାରତ ସମେତ ସାରା ବିଶ୍ୱରେ ଜନସଂଖ୍ୟା ଦ୍ରୁତ ହାରରେ ବଢିବାରେ ଲାଗିଛି । ତେଣୁ ଏହାର ଭୟାବହତା ସଂପର୍କରେ ସାରା ବିଶ୍ୱରେ ସଚେତନତା ସୃଷ୍ଟି କରାଯିବା ଜରୁରୀ ବୋଲି କହିଥିଲେ । ମୁଖ୍ୟବକ୍ତା ଭାବେ ଡାକ୍ତର ଜଗଦାନନ୍ଦ ବେହେରା ତାଙ୍କ ବକ୍ତବ୍ୟରେ ପରିବାର ନିୟୋଜନ କାର୍ଯ୍ୟକ୍ରମକୁ ଆହୁରୀ ଗତିଶୀଳ କରିବା ସହ ଲିଙ୍ଗ ଗତ ଅସମାନତା ଦୂର କରିବା ଉପରେ ପିତାମାତାଙ୍କୁ ପରାମର୍ଶ ଦେବାପାଇଁ ଗୁରୁତ୍ୱାରୋପ କରିଥିଲେ । ଅନ୍ୟମାନଙ୍କ ମଧ୍ୟରେ ବିଚାର ବିଭାଗର ଅବସରପ୍ରାପ୍ତ କର୍ମଚାରୀ ଶରତ ଚନ୍ଦ୍ର ସାହୁ ,ଅବସରପ୍ରାପ୍ତ ପୋଲିସ ଅଧିକାରୀ ଭାଗବତ ମୁଦୁଲି ଓ ଆଇ.ଟି.ଆଇର ନିର୍ଦ୍ଦେଶକ ରଶ୍ମୀରଂଜନ ମିଶ୍ର ଆଲୋଚନରେ ଭାଗନେଇ ଜନସଂଖ୍ୟା ବୃଦ୍ଧିର ମୁଣ୍ଡପିଛାଆୟ, ଦାରିଦ୍ର‌୍ୟ ,ବେକାରି, ନିରକ୍ଷରତା, ପରିବେଶ ପ୍ରଦୂଷଣ କୁପରିଣାମ ଉପରେ ଆଲୋକପାତ କରିଥିଲେ । ଶେଷରେ ଟାଇମସ୍ ଗୁରୁକୂଳର ନିର୍ଦ୍ଦେଶିକା ସୁଶ୍ରୀ ଅଞ୍ଜୁଷା ଧନ୍ୟବାଦ ଅର୍ପଣ କରିଥିଲେ । ଓଡ଼ିଶା ସମାଚାର

About admin

Check Also

କରୋନା କାହାଣୀ : ସ୍ୱାମୀର ମୃତ୍ୟୁ ଖବର ପାଇ ସ୍ତ୍ରୀର ଆତ୍ମହତ୍ୟା ଉଦ୍ୟମ , ଗ୍ରାମବାସୀଙ୍କ ଦ୍ୱାରା ଉଦ୍ଧାର

ଗରଦପୁର,୨୦/୬/୨୦୨୧(ଓଡ଼ିଶା ସମାଚାର)- ଗରଦପୁର ବ୍ଲକ୍ ଅନ୍ତର୍ଗତ ତେଣ୍ଡାକୁଡ଼ା ପଂଚାୟତରେ ଗତ ଦୁଇ ଦିନ ମଧ୍ୟରେ ଦୁଇଟି କରୋନା ମୃତ୍ୟୁ ଘଟିଛି …

Leave a Reply

Your email address will not be published. Required fields are marked *