Tuesday , June 15 2021
Breaking News
Home / ବିଶେଷ / ଗୋଟିଏ ରାତିରେ ଦୁଇଟି ମନ୍ଦିର ରୁ ଚୋରି :  ସଡିପିଓ  ଏବଂ ସାଇଣ୍ଟିଫିକ ଟିମର ତଦନ୍ତ ଆରମ୍ଭ

ଗୋଟିଏ ରାତିରେ ଦୁଇଟି ମନ୍ଦିର ରୁ ଚୋରି :  ସଡିପିଓ  ଏବଂ ସାଇଣ୍ଟିଫିକ ଟିମର ତଦନ୍ତ ଆରମ୍ଭ

ବାଲିଗୁଡା, ୨୭/୦୨/୨୦୨୧ (ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା   ବାଲିଗୁଡ଼ା ସହର ମଧ୍ୟରେ ରହିଥିବା ଦୁଇ ଦୁଇଟି ମନ୍ଦିରରୁ ଗୋଟିଏ ରାତିରେ ଚୋରୀ ହେଇଛି  ।   ଯାହାକୁ ନେଇ ପୁଲିସ ର ରାତ୍ରୀ ପାଟ୍ରୋଲିଂ କୁ ନେଇ ପ୍ରଶ୍ନ ଉଠିଛି। ଶନିବାର ସକାଳୁ ସକାଳୁ ଜଗନ୍ନାଥ ମନ୍ଦିର ପୂଜକ ଓ ଦକ୍ଷିଣ କାଳୀ ମନ୍ଦିର ପୂଜକ ନୀତି କାର୍ଯ୍ୟ ପାଇଁ  ଆସିଥିବା ବେଳେ ତାଲା ଭଙ୍ଗା ଯାଇଥିବା ଦେଖିବା ପରେ ଶ୍ରୀ ଜଗନ୍ନାଥ ମନ୍ଦିର ମେନେଜିଂ ଟ୍ରଷ୍ଟି ମଧୁସୂଦନ ଦାସଙ୍କୁ ଜଣାଇବା ପରେ ପୁଲିସକୁ ଖବର ଦିଆଯାଇଥିଲା ଓ ସେହିଭଳି ଦକ୍ଷିଣ କାଳୀ ମନ୍ଦୀର କମିଟି ପୁଲିସକୁ ଜଣାଇଥିଲେ। ପୁଲିସ ପହଁଚି ତଦନ୍ତ ଆରମ୍ଭ କରିଥିଲା। ଜଗନ୍ନାଥ ମନ୍ଦିରରେ ସିସିଟିଭି ଲାଗିଥିବା ବେଳେ ଦକ୍ଷିଣ କାଳୀ ମନ୍ଦିରରେ ସିସିଟିଭି ନଥିବାରୁ କେବଳ ଜଗନ୍ନାଥ ମନ୍ଦିର ସିସିଟିଭି ଫୁଟେଜକୁ ନେଇ ଯାଞ୍ଚ ଆରମ୍ଭ କରିଛି। ଘଟଣାକୁ ଗୁରୁତର ନେବା ସହ ବାଲିଗୁଡ଼ା ସଡିପିଓ ମନୋଜ ପୁଜାରୀ ଙ୍କ ସହ ଡଗ ସ୍କୁ।ଡ, ସାଇଣ୍ଟିଫିକ ଟିମ ଓ ତଦନ୍ତକରୀ ଅଧିକାରୀ ଏସ ଆଇ ରବୀନ୍ଦ୍ର ମୁଣ୍ଡାରୀ ତଦନ୍ତକୁ ଜୋରଦାର କରୁଛନ୍ତି।ବାଲିଗୁଡା ଶ୍ରୀ ଜଗନ୍ନାଥ ମନ୍ଦିର ଟି 59ନଂ.ଜାତୀୟ ରାଜପଥ କଡ ପୋଷ୍ଟ ଅଫିସର ନିକଟରେ ରହୁଥିବା ବେଳେ ଦୁର୍ବୃତ୍ତ ଜଣକ ପାଚେରୀ ଡେଇଁ ମନ୍ଦିର ପରିସରରେ ପଶିଥିବା ବେଳେ ମନ୍ଦିର ର ବାମ ପାଖ ରୋଷେଇ ଘର ନିକଟ ରେ ଭୋଗ ଯିବା ରାସ୍ତା ର କବାଟ ରେ ପଡ଼ିଥିବା ତାଲାକୁ ଭାଙ୍ଗି ମନ୍ଦିର  ଭିତରେ ପଶି ହୁଣ୍ଡି (ଦାନବାକ୍ସ) ତାଡି ସେଥିରେ ଥିବା ସମସ୍ତ ଟଙ୍କା ପଇସା କୁ ଏକ ଗାମୁଛା ରେ ବାନ୍ଧି ଏକ ବ୍ୟାଗରେ ନେଇଥିବା ବିଷୟ ଜଗନ୍ନାଥ ମନ୍ଦିର ସିସି ଟିଭି ଫୁଟେଜରୁ ଜଣାପଡ଼ିଛି  । ସେହି ଭଳି ମା’ ଦକ୍ଷିଣ କାଳୀ ମନ୍ଦିରର ମା ପିନ୍ଧି ଥିବା ଦୁଇଟି ହାର ଲୁଟି ନେଇଥିବା ଅଭିଯୋଗ ହୋଇଛି। ସକାଳୁ ସକାଳୁ ପୂଜକ ମାନେ ନୀତି କାର୍ଯ୍ୟ କରିବା ପାଇଁ ମନ୍ଦିର ମଧ୍ୟକୁ ପ୍ରବେଶ ବେଳେ ତାଲା ଭଙ୍ଗା ଯାଇଥିବା ଦେଖିବା ପରେ ଫୋନ ଯୋଗେ ପୁଲିସ କୁ ସୂଚନା ଦେଇଥିଲେ।  ବାଲିଗୁଡା ଟାଉନରେ ଏଭଳି ଘନ ଘନ ଚୋରୀ ହେଉଥିବାରୁ ଜନସାଧାରଣଙ୍କ ମନରେ ଅସନ୍ତୋଷ ପ୍ରକାଶ ପାଉଛି  । ଏଥି ପ୍ରତି ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଦୃଷ୍ଟି ଦେଇ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବୁଦ୍ଧିଜୀବୀ ମହଲରୁ ଦାବି ହେଉଛି  ।  ଓଡ଼ିଶା ସମାଚାର

About admin

Check Also

ଗତ ୨୪ ଘଣ୍ଟା ମଧ୍ୟରେ ୩୪୦୫ ଜଣ ନୂତନ  କରୋନା ସଂକ୍ରମିତ ଚିହ୍ନଟ – ୪୨ ଜଣଙ୍କ ମୃତ୍ୟୁ

ଭୁବନେଶ୍ୱର,୧୫/୦୬/୨୦୨୧(ଓଡ଼ିଶା ସମାଚାର/ସୁଚେତା ଦେବତା)-  ଗତ ୨୪ ଘଣ୍ଟା ମଧ୍ୟରେ ୩୪୦୫ ଜଣ ନୂତନ  କରୋନା ସଂକ୍ରମିତ ଚିହ୍ନଟ ହୋଇଛନ୍ତି । …

Leave a Reply

Your email address will not be published. Required fields are marked *