Friday , June 18 2021
Breaking News
Home / ବିଶେଷ / କୋଭିଡ -୧୯ କଟକଣା ଯୋଗୁଁ କେନ୍ଦ୍ରାପଡା ସବଡିଭିଜନର ସମସ୍ତ ଅଂଚଳରେ ମକରମେଳା ପାଳନକୁ ନିଷିଦ୍ଧ ଘୋଷଣା

କୋଭିଡ -୧୯ କଟକଣା ଯୋଗୁଁ କେନ୍ଦ୍ରାପଡା ସବଡିଭିଜନର ସମସ୍ତ ଅଂଚଳରେ ମକରମେଳା ପାଳନକୁ ନିଷିଦ୍ଧ ଘୋଷଣା

କେନ୍ଦ୍ରାପଡା, ୧୪/୦୧/୨୦୨୧ (ଓଡ଼ିଶା ସମାଚାର)- ରାଜ୍ୟରେ କୋଭିଡ-୧୯ ମହାମାରୀ ସଂକ୍ରମଣକୁ ରୋକିବା ତଥା ଜନସାଧାରଣଙ୍କୁ କୋଭିଡ-୧୯ ମହାମାରୀରୁ ସୁରକ୍ଷା ଦେବା ଏବଂ ଏହାର ସଂକ୍ରମଣ ରୋକିବା ପାଇଁ କେନ୍ଦ୍ରାପଡା ସବଡିଭିଜନର ସମଗ୍ର ଅଂଚଳରେ ମକରମେଳା ପାଳନକୁ ନିଷିଦ୍ଧ ଘୋଷଣା କରାଯାଇଛି । ସେହିପରି କୋଭିଡ ସମଦୃଶ୍ୟ ନୂଆ ସାର୍ସ କୋଭ – ୨ ଭାଇରସ ଯାହାକି ଦୃତ ଗତିରେ ସଂଯୁକ୍ତ ରାଷ୍ଟ୍ରରେ ବ୍ୟାପିଥିବାରୁ ଭାରତ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଏସ.ଓ.ପି. ଯାରି କରିବା ପାଇଁ ଏବଂ ଏହି ସଂକ୍ରମଣ ରୋକିବା ପାଇଁ ଶକ୍ତ ପଦକ୍ଷେପ ନେବାକୁ କୁହାଯାଇଛି । ସେହିପରି ରାଜ୍ୟ ସରକାର କୋଭିଡ-୧୯ ନିୟନ୍ତ୍ରଣ – ୨୦୨୦ ତା ୧୮.୦୩.୨୦୨୦ରିଖ ନିର୍ଦେଶନାମା ଅନୁଯାଇ ମହାମାରୀ ରୋଗ ଧାରା ୧୮୯୭ ଉପଧାରା ୨(୧) ଅନୁଯାଇ ଉପଜିଲ୍ଲାପାଳଙ୍କୁ କ୍ଷମତାପନ୍ନ ଅଧିକାରୀ ଭାବେ ନିଯୁକ୍ତ କରାଯାଇଛି । ଯେହେତୁ ମକର ମେଳା ସାଧାରଣତଃ ମକର ସଂକ୍ରାନ୍ତୀ ଦିନ ପାଳନ କରାଯାଏ ଏବଂ ଅନେକ ଲୋକ ଏହି ପର୍ବରେ ଏକାଠି ହୁଅନ୍ତି ଏଣୁ ବହୁଜନହିତ ଦୃଷ୍ଟିରୁ ଏହି ଜନସମାବେଶକୁ ରୋକିବାର ଆବଶ୍ୟକତା ରହିଛି । ଏହି ପରିପ୍ରେକ୍ଷୀରେ ଉପଜିଲ୍ଲାପାଳ ତଥା କୋଭିଡ – ୧୯ କ୍ଷମତାସଂପନ୍ନ ଅଧିକାରୀ ଜ୍ୟୋତିଶଙ୍କର ମହାପାତ୍ର କେନ୍ଦ୍ରାପଡା ଉପଖଣ୍ଡର ସମସ୍ତ ଅଂଚଳରେ ମକରମେଳା ପାଳନକୁ ନିଷିଦ୍ଧ ଘୋଷଣା କରିଛନ୍ତି । ତେଣୁ ସମସ୍ତ ତହସିଲଦାର ଓ ଥାନାର ଭାରପ୍ରାପ୍ତ ଅଧିକାରୀମାନେ ସେମାନଙ୍କ ଅଂଚଳରେ ଏହି ଆଦେଶନାମାକୁ ବଳବତର ରଖିବାକୁ ନିର୍ଦେଶ ଦିଆଯାଇଛି । ଓଡ଼ିଶା ସମାଚାର

About admin

Check Also

କରୋନା ସମୟରେ ବାଲ୍ୟ ବିବାହ ଏବଂ ନାବାଳକ ଶିଶୁ ଚାଲାଣ ଭଳି ଘୃଣିତ କାର୍ୟ୍ୟ ରୋକିବାକୁ ନେଇ ଆଲୋଚନା ଚକ୍ର

ବାଲିଗୁଡ଼ା, ୧୭/୦୬/୨୦୨୧ (ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ) -ସମଗ୍ର ଦେଶ କରୋନା ମହାମାରୀ ଦେଇ ଗତି କରୁଥିବା ସମୟରେ ଆମ …

Leave a Reply

Your email address will not be published. Required fields are marked *