Sunday , June 20 2021
Home / ରାଜନୀତି / କୋଟିଆ-ଓଡ଼ିଶା ପାଇଁ ଏକ ଆହ୍ୱାନ : ବିଧାନସଭା ଗୃହ କମିଟି ଗ୍ରସ୍ତ କରିଥିଲେ ଆଜି କୋଟିଆରେ ଆନ୍ଧ୍ର ନିର୍ବାଚନ କରିନଥାନ୍ତା : ସମାଜବାଦୀ ପାର୍ଟି

କୋଟିଆ-ଓଡ଼ିଶା ପାଇଁ ଏକ ଆହ୍ୱାନ : ବିଧାନସଭା ଗୃହ କମିଟି ଗ୍ରସ୍ତ କରିଥିଲେ ଆଜି କୋଟିଆରେ ଆନ୍ଧ୍ର ନିର୍ବାଚନ କରିନଥାନ୍ତା : ସମାଜବାଦୀ ପାର୍ଟି

ଭୁବନେଶ୍ୱର, ୦୫/୦୨/୨୦୨୧ (ଓଡ଼ିଶା ସମାଚାର)- କୋଟିଆକୁ ନେଇ ଆନ୍ଧ୍ର ଓଡ଼ିଶା ସୀମା ବିବାଦ ଆଜି ନୁଆ ନୁହେଁ । ୧୯୬୮ ମସିହାରୁ ସର୍ବୋଚ୍ଚ ନ୍ୟାୟାଳୟରେ ଏହାକୁ ନେଇ ମୋକଦ୍ଧମା •ଲିଛି । ଓଡ଼ିଶା ସରକାର ଓଡ଼ିଆ ଭାଷାଭାଷୀ ଅଂଚଳର ସୁରକ୍ଷା ପାଇଁ ଯେଉଁଭଳି ପଦକ୍ଷେପ ନେବା କଥା ସେଥିରେ ଅବହେଳା କରିଥିବା ଯୋଗୁ ଆଜି ଆନ୍ଧ୍ର ସରକାର କୋଟିଆର ୩ଟି ଗ୍ରାମରେ ପଂଚାୟତ ନିର୍ବାଚନ କରିବାକୁ ସାହସ କରିପାରିଲେ ବୋଲି ସମାଜବାଦୀ ପାର୍ଟି ରାଜ୍ୟ କମିଟି ଅଭିଯୋଗ କରିଛି । ପାର୍ଟିର ରାଜ୍ୟ ସଭାପତି ରବି ବେହେରା କୋଟିଆ ବିବାଦ ଉପରେ ନିଜର ମତାମତ ଦେବାକୁ ଯାଇ କହିଛନ୍ତି ଯେ, ଗତ ନଭେମ୍ବର ତୃତୀୟ ସପ୍ତାହରେ ଯେତେବେଳେ ଆନ୍ଧ୍ର ସରକାର କୋରାପୁଟ ଜିଲ୍ଲା ପଟାଙ୍ଗୀ ବ୍ଲକ ଅନ୍ତର୍ଗତ ସମ୍ବାଇ ପଂଚାୟତର ସୁନାବେଡ଼ା ଗ୍ରାମର ୬୦୦ ମିଟର ଭିତରକୁ ପଶି ରାସ୍ତା ଅବରୋଧ କଲେ, ସେତେବେଳେ ସମାଜବାଦୀ ପାର୍ଟି ପକ୍ଷରୁ ଓଡ଼ିଶା ସରକାର, ଆନ୍ଧ୍ର ରାଜ୍ୟପାଳଙ୍କୁ ଚିଠି ଲେଖାଯାଇ ଏଥିରେ ହସ୍ତକ୍ଷେପ କରିବାକୁ ଦାବି କରାଯାଇଥିଲା । ନଭେମ୍ବର ୨୨ ତାରିଖ ଦିନ ସମାଜବାଦୀ ପାର୍ଟି ପକ୍ଷରୁ ଏକ ବିକ୍ଷୋଭ କରାଯାଇ ବିଧାନସଭା ଗୃହକମିଟି କୋଟିଆ ଅଂଚଳ ଗ୍ରସ୍ତ କରି ସେଠାକାର ଜନସାଧାରଣଙ୍କ ସହିତ ଆପୋଷ ଆଲୋଚନା କରିବା ପାଇଁ ସମାଜବାଦୀ ପାର୍ଟି ମାନ୍ୟବର ବାଚସ୍ପତିଙ୍କୁ ଅନୁରୋଧ କରି ଏକ ପତ୍ର ଲେଖିଥିଲା । କିନ୍ତୁ ଦୁଃଖର କଥା ସୀମା ବିବାଦକୁ ନେଇ ଗଠିତ ବିଧାନସଭା ଗୃହ କମିଟି ଆଜିପର୍ଯ୍ୟନ୍ତ କୋଟିଆ ଗ୍ରସ୍ତ କଲେ ନାହିଁ । ଯାହାଫଳରେ କୋଟିଆ ବିବାଦ ଆଜି ଜଟିଳ ଆକାର ଧାରଣ କରିବାକୁ ଯାଇଛି ଏବଂ ଆନ୍ଧ୍ର ସରକାର ସେଠାରେ ପଂଚାୟତ ନିର୍ବାଚନ କରି କୋଟିଆ ଗ୍ରାମକୁ ନିଜ ଅଂଚଳ ବୋଲି ଦାବି କରିବାକୁ ବସିଛନ୍ତି । କୋଟିଆକୁ ନେଇ ଆଜି ମାନ୍ୟବର ମୁଖ୍ୟମନ୍ତ୍ରୀ ୧୮ କୋଟି ଟଙ୍କାର ପ୍ରକଳ୍ପ ଉଦଘାଟନ କରିବା ସହିତ ଆହୁରି ୧୫୦ କୋଟି ଟଙ୍କାର ପ୍ରକଳ୍ପ ପାଇଁ ଯେଉଁ ପଦକ୍ଷେପ ନେଇଛନ୍ତି ଏବଂ କୋଟିଆ ଅଂଚଳକୁ ଗ୍ରସ୍ତ କରିବା ପାଇଁ ଘୋଷଣା କରିଛନ୍ତି ତାହାକୁ ସମାଜବାଦୀ ପାର୍ଟି ସମ୍ପୂର୍ଣ୍ଣ ଭାବରେ ସମର୍ଥନ କରୁଛି । ଓଡ଼ିଶା ସରକାର କେବଳ କୋଟିଆକୁ ନୁହେଁ, ବିଭିନ୍ନ ପଡ଼ୋଶୀ ରାଜ୍ୟ ସହିତ ଓଡ଼ିଶାର ସୀମା ଓ ଜଳ, ଜମି ସମସ୍ୟାକୁ ନେଇ ଯେଉଁ ବିବାଦ ଲାଗି ରହିଛି, ତା ଉପେର ତୁରନ୍ତ ଏକ ସର୍ବଦଳୀୟ ବୈଠକ ଡ଼ାକିବାକୁ ଶ୍ରୀ ବେହେରା ଦାବି କରିଛନ୍ତି । ମୁଖ୍ୟମନ୍ତ୍ରୀଙ୍କ ଗ୍ରସ୍ତ ପୂର୍ବରୁ ଆନ୍ଧ୍ର ପ୍ରଦେଶ ସରକାରଙ୍କ ଉପରେ ଚାପ ପକାଇ କୋଟିଆରେ ଅନୁଷ୍ଠିତ ହେବାକୁ ଯାଉଥିବା ପଂଚାୟତ ନିର୍ବାଚନକୁ ରଦ୍ଧ କରିବା ପାଇଁ ସମାଜବାଦୀ ପାର୍ଟି ଦାବି କରୁଛି । ବିଧାନସଭା ଗୃହ କମିଟି ତୁରନ୍ତ ମୁଖ୍ୟମନ୍ତ୍ରୀଙ୍କ ଗ୍ରସ୍ତ ପୂର୍ବରୁ ବିବାଦୀୟ କୋଟିଆ ଅଂଚଳ ଗ୍ରସ୍ତ କରି ସେଠାକାର ଲୋକଙ୍କ ସହିତ ସମସ୍ୟା ସର୍ମ୍ପକରେ ଆଲୋଚନା କରିବା ସହିତ ଏକ ଭାବଗତ ସଂକଳ୍ପ ପ୍ରତିଷ୍ଠା ପାଇଁ ଉଦ୍ୟମ କରିବାକୁ ଶ୍ରୀ ବେହେରା ନିବେଦନ କରିଛନ୍ତି । ଓଡ଼ିଶା ସମାଚାର

About admin

Check Also

ନୟାଗଡ଼ରେ ଲୋମହର୍ଷଣକାରୀ ପରୀ ଘଟଣାର ପୁନରାବୃତି

ଶିଶୁ ଅଧିକାର କମିଶନ ଘଟଣାସ୍ଥଳକୁ ତଦନ୍ତ ପାଇଁ ଯିବାକୁ ସମାଜବାଦୀ ପାର୍ଟିର ଦାବି ଭୁବନେଶ୍ୱର,୧୭/୦୬/୨୦୨୧(ଓଡ଼ିଶା ସମାଚାର)- ନୟାଗଡ଼ ଜିଲ୍ଲାରେ ପରୀ …

Leave a Reply

Your email address will not be published. Required fields are marked *