Sunday , June 13 2021
Breaking News
Home / ବିଶେଷ / କେନ୍ଦ୍ରାପଡା ଜିଲ୍ଲା ସଚେତନ ନାଗରିକ ମଂଚ ପକ୍ଷରୁ ରାଷ୍ଟ୍ରପତିଙ୍କ ଉଦେଶ୍ୟରେ ଦାବିପତ୍ର ପ୍ରଦାନ

କେନ୍ଦ୍ରାପଡା ଜିଲ୍ଲା ସଚେତନ ନାଗରିକ ମଂଚ ପକ୍ଷରୁ ରାଷ୍ଟ୍ରପତିଙ୍କ ଉଦେଶ୍ୟରେ ଦାବିପତ୍ର ପ୍ରଦାନ

କେନ୍ଦ୍ରାପଡା, ୦୬/୦୪/୨୦୨୧(ଓଡ଼ିଶା ସମାଚାର)-ନିଜର ଜୀବନ ବିପନ୍ନ କରି ନଦୀରେ ବୁଡିଯାଉଥିବା ୪ଜଣ ପିଲାଙ୍କ ଜୀବନ ବଂଚାଇଥିବା ମହିୟସୀ ମହିଳାଙ୍କୁ ରାଷ୍ଟ୍ରପତି ପୁରସ୍କାର ପ୍ରଦାନ କରାଯିବାକୁ କେନ୍ଦ୍ରାପଡା ଜିଲ୍ଲା ସଚେତନ ନାଗରିକ ମଂଚ ପକ୍ଷରୁ ରାଷ୍ଟ୍ରପତିଙ୍କ ଉଦେଶ୍ୟରେ ଅତିରିକ୍ତ ଜିଲ୍ଲାପାଳ ବସନ୍ତ କୁମାର ରାଉତଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ଗତ ସୋମବାର ଅପରାହ୍ନ ପ୍ରାୟ ଗୋଟାଏ ସମୟରେ କେନ୍ଦ୍ରାପଡା ଜିଲ୍ଲା ଅନ୍ତର୍ଗତ ଗରଦପୁର ବ୍ଲକର ବଙ୍ଗାଳପୁର ଗ୍ରାମପଂଚାୟତର ଘୋଡାଦଣ୍ଡା ଗ୍ରାମର ୫ଜଣ ବାଳକ ହୋଲି ଖେଳିସାରି ନିକଟସ୍ଥ ନଦୀକୁ ଗାଧୋଇବାକୁ ଯାଇଥିଲେ । କୌଣସି କାରଣରୁ ୫ଜଣଯାକ ହାତ ଧରାଧରି ହୋଇଥିବା ବେଳେ ଏକ ଗଣ୍ଡରେ ବୁଡିଯାଇଥିଲେ । ସେହି ସମୟରେ ସାହସୀ ମହିଳା ମମତା ମଳିକ ତାହା ଦେଖି ବେକେ ପାଣିରେ ପଶି ନିଜ ପିନ୍ଧା ଲୁଗାକୁ ଖୋଲିଦେଇ ବୁଡିଯାଉଥିବା ପିଲାଙ୍କ ପାଖକୁ ସେହି ଲୁଗାକୁ ପକାଇଥିଲେ । ସେହି ଲୁଗାକୁ ଭିଡି ଧରି ୪ଜଣ ବାଳକ ଉଦ୍ଧାର ହୋଇଥିବା ବେଳେ ତ୍ରିଲୋଚନ ସାହୁ ନାମକ ବାଳକଟି ବୁଡିଯାଇ ମୃତୁ୍ୟ ବରଣ କରିଥିଲା ।  ଏହା ଦ୍ୱାରା ମହିଳା ଜଣଙ୍କ ୪ଜଣ ବାଳକଙ୍କ ଜୀବନ ବଂଚାଇ ପାରିଥିବା ବେଳେ ଜଣେ ବାଳକକୁ ବଂଚାଇବାରେ ସମର୍ଥ ହୋଇପାରିନଥିଲେ । ଏଭଳି  ସାହସୀକତା ପ୍ରଦର୍ଶନ କରି ୪ଜଣ ବାଳକଙ୍କ ଜୀବନ ବଂଚାଇଥିବା ସେହି  ମହିୟସୀ ମହିଳା ମମତାଙ୍କୁ ରାଷ୍ଟ୍ରପତି ପୁରସ୍କାର ପ୍ରଦାନ କରାଗଲେ ତାହା କେନ୍ଦ୍ରାପଡା ଜିଲ୍ଲା, ଓଡିଶା ରାଜ୍ୟ ତଥା ଭାରତବର୍ଷର ମହିଳାମାନଙ୍କୁ  ଏକ ପ୍ରେରଣା ପ୍ରଦାନ କରିବ ବୋଲି ଆବାହକ ଅଶୋକ କୁମାର ତ୍ରିପାଠୀ, ଗୁଲନଗର ସରପଂଚ ପିତବାସ ବେହେରା, ପ୍ରଦୀପ୍ତ କୁମାର ସାମଲ, ଇତିଶ୍ରୀ ପ୍ରିୟଦର୍ଶିନୀ ଭଦ୍ର, ମନୋଜ କୁମାର ପରିଡା, ପ୍ରଭାକର ଲେଙ୍କା,ମାଗୁଣି ଚରଣ ବେହେରା ପ୍ରମୁଖ ରାଷ୍ଟ୍ରପତିଙ୍କ ଉଦେଶ୍ୟରେ ଏକ ଦାବିପତ୍ର ଅତିରିକ୍ତ ଜିଲ୍ଲାପାଳଙ୍କୁ ପ୍ରଦାନ କରି ନିବେଦନ କରିଛନ୍ତି । ଓଡ଼ିଶା ସମାଚାର

About admin

Check Also

ଦଳିତବ୍ୟକ୍ତିଙ୍କ ବାସଗୃହ ସମ୍ମୁଖ ରାସ୍ତାକୁ ଅବରୋଧ ଅଭିଯୋଗ

କେନ୍ଦ୍ରାପଡ଼ା, ୧୨/୦୬/୨୦୨୧(ଓଡ଼ିଶା ସମାଚାର)-ଜନୈକ ଦଳିତ ସଂପ୍ରଦାୟର ବ୍ୟକ୍ତିଙ୍କ ବାସଗୃହ ସମ୍ମୁଖ ରାସ୍ତାକୁ କେତେକ ସବର୍ଣ୍ଣ ସଂପ୍ରଦାୟର ଲୋକ ଅବରୋଧ କରିବା …

Leave a Reply

Your email address will not be published. Required fields are marked *