Wednesday , June 23 2021
Breaking News
Home / ବିଶେଷ / ଓସାମ୍ ବୋର୍ଡ ରେ ଅଚାନକ ପହଂଚିଲେ ଖାଦ୍ୟ ଯୋଗାଣ ମନ୍ତ୍ରୀ

ଓସାମ୍ ବୋର୍ଡ ରେ ଅଚାନକ ପହଂଚିଲେ ଖାଦ୍ୟ ଯୋଗାଣ ମନ୍ତ୍ରୀ

ଭୁବନେଶ୍ୱର , ୨୭/୦୮/୨୦୧୯(ଓଡ଼ିଶା ସମାଚାର)-ଖାଦ୍ୟଯୋଗାଣ ଓ ଖାଉଟି କଲ୍ୟାଣ,ସମବାୟ ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପସ୍ୱାଇଁ ସୋମବାର ଅପରାହ୍ଣ ୩ଟାରେ ଅଚାନକ ଓଡ଼ିଶା କୃଷି ବିପଣନପରିଷଦ କାର୍ଯ୍ୟଳୟ (ଓସାମ୍ ବୋର୍ଡ)ଗସ୍ତ କରିଥିଲେ । ଖଣ୍ଡଗିରିଠାରେ ଥିବା ସମବାୟ ବିଭାଗର ଓସାମ୍ ବୋର୍ଡ କାର୍ଯ୍ୟାଳୟ ଗସ୍ତ ସମୟରେ ମନ୍ତ୍ରୀ ଶ୍ରୀ ସ୍ୱାଇଁ ପରିଷଦ ଦ୍ୱାରା ବିଭିନ୍ନ ଉନ୍ନୟନମୂଳକ କାର୍ଯ୍ୟର ତ୍ୱରିତ କାର୍ଯ୍ୟାନ୍ୱୟନ ନିମନ୍ତେ ପରାମର୍ଶ ଦେଇଥିଲେ । ପରିଷଦ ଦ୍ୱାରା ପ୍ରାଥମିକ କୃଷି ସମବାୟ ସମିତି ନିମନ୍ତେ ୩୪୭ଟି ଗୋଦାମ ଘର ନିର୍ମାଣର ଅଗ୍ରଗତି ସଂପର୍କରେ ମନ୍ତ୍ରୀ ପଚାରି ବୁଝିଥିଲେ । ଏଥି ସହିତ ପରିଷଦ ପକ୍ଷରୁ ନିର୍ମାଣ ହେବାକୁ ଥିବା ଶୀତଳ ଭଣ୍ଡାରର ସଦ୍ୟତମ ସ୍ଥିତି ସଂପର୍କରେ ସମୀକ୍ଷା କରିଥିଲେ । ମନ୍ତ୍ରୀ ଶ୍ରୀ ସ୍ୱାଇଁ ପରିଷଦର ଡାଏରୀ-ଡେସପାଚ୍ ଓ କର୍ମଚାରୀ ଉପସ୍ଥାନ ଯାଂଚ କରିବା ସହିତ ବିଭିନ୍ନ କାର୍ଯ୍ୟାଳୟରୁ ପ୍ରାପ୍ତପତ୍ର ଉପରେ ନିଆଯାଇଥିବା କାର୍ଯ୍ୟାନୁଷ୍ଠାନ ସଂପର୍କରେ ପଚାରି ବୁଝିଥିଲେ । କାର୍ଯ୍ୟାଳୟରେ ଟେକନୋଲୋଜିର ବ୍ୟବହାର କରି ତ୍ୱରିତ କାର୍ଯ୍ୟାନୁଷ୍ଠାନ ଓ ସ୍ୱଚ୍ଛତା ବଜାୟ ରଖିବା ଉପରେ ମନ୍ତ୍ରୀ ଶ୍ରୀ ସ୍ୱାଇଁ ଗୁରୁତ୍ୱାରୋପ କରିଥିଲେ । ଓଡ଼ିଶା କୃଷି ବିପଣନ ପରିଷଦର ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସଫଳ ରୂପାୟନ ନିମନ୍ତେ ନିଯୁକ୍ତ ଏଜେନ୍ସି ଦେଇଥିବା ପ୍ରସ୍ତାବ ସଂପର୍କରେ ମନ୍ତ୍ରୀଶ୍ରୀ ସ୍ୱାଇଁ ଆଲୋଚନା କରିଥିଲେ । ଓଡ଼ିଶା ସମାଚାର

About admin

Check Also

ସମାଜସେବୀ ପ୍ରେମାନନ୍ଦ ପରିଡାଙ୍କୁ ଶ୍ରଦ୍ଧାଞ୍ଜଳି

କେନ୍ଦ୍ରାପଡ଼ା, ୨୨/୦୬/୨୦୨୧(ଓଡ଼ିଶା ସମାଚାର)- ବିରମିତ୍ରପୁର ଏନ.ଏ.ସି.ରୁ କାର୍ଯ୍ୟନିର୍ବାହୀ ଅଧିକାରୀ ଭାବେ ଅବସର ନେଇଥିବା  ପ୍ରେମାନନ୍ଦ ପରିଡାଙ୍କୁ ଗଭୀର ଶ୍ରଦ୍ଧାଞ୍ଜଳୀ ଅର୍ପଣ …

Leave a Reply

Your email address will not be published. Required fields are marked *