Friday , June 18 2021
Breaking News
Home / ବିଶେଷ / ଅନ୍ୟାୟ ପ୍ରତିବାଦରେ ୨ଦିନର ଶିଶୁକନ୍ୟା ସହ ପତ୍ନୀ, ୪ବର୍ଷର ପୁଅ ସହ ଅନଶନରେ ଧ୍ରୁବ

ଅନ୍ୟାୟ ପ୍ରତିବାଦରେ ୨ଦିନର ଶିଶୁକନ୍ୟା ସହ ପତ୍ନୀ, ୪ବର୍ଷର ପୁଅ ସହ ଅନଶନରେ ଧ୍ରୁବ

କେନ୍ଦ୍ରାପଡା, ୨୨/୦୧/୨୦୨୧(ଓଡ଼ିଶା ସମାଚାର)- କୋଭିଡ ସମୟରେ ଏକ ଗରୀବ ପରିବାରକୁ ଡେରାବିଶି ତହସିଲଦାରଙ୍କ ଅନ୍ୟାୟ ଭାବରେ ଉଛେଦ କରାଯିବା ପ୍ରତିବାଦରେ ସଂପୃକ୍ତ ପରିବାର ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଥିବା ଦେଖିବାକୁ ମିଳିଛି । ଅଭିଯୋଗ ଅନୁଯାଇ ଜିଲ୍ଲାର ଡେରାବିଶି ତହସିଲ ଅନ୍ତର୍ଗତ ଓଲଢି ଗ୍ରାମର ମାନଗୋବିନ୍ଦ ବେହେରାଙ୍କ ପୁଅ ଧ୍ରୁବ ଚରଣ ବେହେରା ଅଭିଯୋଗ କରିଛନ୍ତି ଯେ ସେ ଜଣେ ମୁସଲମାନ ସଂପ୍ରଦାୟର ଝିଅକୁ ବିବାହ କରିବା ପରେ ଗ୍ରାମଲୋକଙ୍କ ଚକ୍ରାନ୍ତର ଶୀକାର ହୋଇ ଚାଟରା ଚକଡାସ୍ଥିତ ଏକ ସରକାରୀ ଅନାବାଦୀ ଜମିରେ କୁଡିଆଟିଏ କରି ନିଜର ପତ୍ନୀ ଓ ପିଲାଙ୍କ ସହିତ ୬ବର୍ଷ ହେବ ରହିଆସୁଥିଲେ । ମୁଲମଜୁରୀ ଲାଗି ନିଜ ପରିବାରକୁ ଭରଣପୋଷଣ କରୁଥିବା ଧ୍ରୁବଙ୍କ କୁଡିଆ ଘରଟିକୁ ଡେରାବିଶି ତହସିଲଦାର ଗତ କୋଭିଡ ସମୟରେ ଅନ୍ୟାୟ ଭାବେ ଉଛେଦ କରିଦେଇଥିଲେ । ସେହିସ୍ଥାନରେ ଥିବା ସରକାରୀ ଜମି ଉପରେ ଅନ୍ୟ ୬ଟି ପରିବାର ରହୁଥିଲେ ମଧ୍ୟ ସେମାନଙ୍କୁ ଉଛେଦ କରାଯାଇନଥିବା ବେଳେ ଧ୍ରୁବଙ୍କୁ ହଇରାଣ କରିବା ଉଦେଶ୍ୟରେ ଏବଂ ତାଙ୍କ ଅନୁପସ୍ଥିତିରେ ପନôୀ ଗର୍ଭବତୀ ଥିବା ବେଳେ ତାଙ୍କ କୁଡିଆଟିକୁ ଭାଙ୍ଗିଦିଆଯାଇଥିଲା । କୋଭିଡ ସମୟରେ ଉଛେଦ ନକରିବାକୁ ସରକାରଙ୍କ ନିର୍ଦେଶ ଥିବା ସତ୍ୱେ ଗତ ୨୦୨୦ମସିହା ଜୁନମାସ ୨୯ତାରିଖରେ ସମସ୍ତ ନୀତି ନିୟମକୁ ଜଳାଞ୍ଜଳି ଦିଆଯାଇ ମାନବିକ ଅଧିକାରକୁ ଉଲ୍ଲଙ୍ଘନ କରି ତାଙ୍କ କୁଡିଆ ଘରଟିକୁ ଭାଙ୍ଗି ଦିଆଯିବା ସହ ସମସ୍ତ ଆସବାବପତ୍ରକୁ ନଷ୍ଟ କରି ଦେଇଥିଲେ ଡେରାବିଶି ତହସିଲଦାର । ଏସମ୍ପର୍କରେ ପୂର୍ବତନ ଜିଲ୍ଲାପାଳ ସମର୍ଥ ବର୍ମାଙ୍କୁ ଲିଖିତ ଅଭିଯୋଗ କରିବା ପରେ ଜିଲ୍ଲାପାଳ ଧ୍ରୁବଙ୍କୁ ଏଥି ନିମନ୍ତେ କ୍ଷତିପୁରଣ ପ୍ରଦାନ ସହ ଘରଡିହ ଓ ପକ୍କାଘର ଯୋଗାଇ ଦେବାକୁ ପ୍ରତିଶୃତି ଦେଇଥିଲେ । କିନ୍ତୁ ଏହାମଧ୍ୟରେ ୭ମାସ ପୁରଣ ହୋଇଥିଲେବି ଜିଲ୍ଲାପାଳଙ୍କ ପ୍ରତିଶୃତି ପୁରଣ ନହେବା ଏବଂ ଦୀର୍ଘଦିନ ଧରି ଖୋଲା ଆକାଶ ତଳେ ଜୀବନ ପରିବାର ସହ ବିତାଉଥିବା ଧ୍ରୁବ ଶେଷରେ ବାଧ୍ୟ ହୋଇ ପନôୀ , ୪ବର୍ଷର ପୁଅ ଓ ୨ଦିନର ଏକ ଶିଶୁକନ୍ୟା ସହିତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଛନ୍ତି । ଓଡ଼ିଶା ସମାଚାର

About admin

Check Also

ଓଡ଼ିଶା ମୋ ପରିବାର ଆନୁକୁଲ୍ୟରେ ସ୍ୱେଛାକୃତ ରକ୍ତଦାନ ଶିବିର 

ରଘୁନାଥପୁର,୧୮/୦୬/୨୦୨୧(ଓଡ଼ିଶା ସମାଚାର)-ରଘୁନାଥପୁର ବ୍ଲକ୍ ପୁରଣ ଓଡ଼ପଡ଼ାସ୍ଥିତ ପ୍ରମିଳା ମଣ୍ଡପରେ ଡଓଡ଼ିଶା ମୋ ପରିବାର ଆନୁକୂଲ୍ୟରେ ଏକ ସ୍ୱେଛାକୃତ ରକ୍ତଦାନ ଶିବିର …

Leave a Reply

Your email address will not be published. Required fields are marked *