Tuesday , January 28 2020
Breaking News
Home / ରାଜନୀତି / ସ୍ୱତନ୍ତ୍ର ଅଦାଲତରେ ତ୍ୱରିତ ବିଚାର ଓ ବଳାତ୍କାରୀଙ୍କୁ ଫାଶୀ ଦିଆଯାଉ : କଂଗ୍ରେସ

ସ୍ୱତନ୍ତ୍ର ଅଦାଲତରେ ତ୍ୱରିତ ବିଚାର ଓ ବଳାତ୍କାରୀଙ୍କୁ ଫାଶୀ ଦିଆଯାଉ : କଂଗ୍ରେସ

ଭୁବନେଶ୍ୱର ,୦୫/୧୨/୨୦୧୯(ଓଡ଼ିଶା ସମାଚାର)- ଐତିହାସିକ ସଂସ୍କୃତି ସମ୍ପନ୍ନ ପୁରୀ ସହରରେ ଜଣେ ଯୁବତୀକୁ କନେଷ୍ଟବଳ ଜିତେନ୍ଦ୍ର ସେଠୀ ଓ ତାର ସାଥିମାନେ ନିମାପଡ଼ାରୁ ଯୋର ଜବରଦସ୍ତି ଗାଡ଼ିରୁ ଉଠାଇନେଇ ପୁରୀଠାରେ ଗଣବଳାତ୍କାର କରିବା ନବୀନ ବାବୁଙ୍କ ଶାସନରେ ଆଉ ଏକ କଳଙ୍କର ଫର୍ଦ୍ଧ ଯୋଡ଼ି ହୋଇଯାଇଛି । ଉକ୍ତ ଲଜ୍ୟା ଘଟଣାକୁ ନେଇ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକଙ୍କ ନିର୍ଦ୍ଧେଶକ୍ରମେ ରାତ୍ର ୧୦ଘଟିକା ୪୫ମି. ସମୟରେ କଂଗ୍ରେସ ଭବନ ପରିସରରୁ ଶତାଧିକ ମହିଳା, ଛାତ୍ର, ଯୁବ ଓ କଂଗ୍ରେସ କର୍ମୀମାନେ ଏକ କ୍ୟାଣ୍ଡେଲ ଶୋଭାଯାତ୍ରାରେ ବାହାରି ମାଷ୍ଟର କ୍ୟାନଟିନ, ରାଜମହଲ ଦେଇ ଶିଶୁଭବନଠାରେ ଶତାଧିକ ପୋଲିସଙ୍କ ସହ ଧସ୍ତାଧସ୍ତି ହୋଇଥିଲା । ଏପରି ଅଭାବନୀୟ ଘଟଣା ଦୈନିକ ରାଜ୍ୟରେ ୮ଜଣ ମହିଳା ଶିକାର ହେବା ରାଜ୍ୟ ଓ ଦେଶ ପାଇଁ କଳଙ୍କିତ ଅଧ୍ୟାୟ ହୋଇଯାଇଛି । ଅବିଳମ୍ବେ ବଳାତ୍କାରୀଙ୍କୁ ଗିରଫ କରାଯାଇ ସ୍ୱତନ୍ତ୍ର ଅଦାଲତରେ ତ୍ୱରିତ ବିଚାର ଓ ସେମାନଙ୍କୁ ଫାଶୀ ଦେବାକୁ କଂଗ୍ରେସ ଦୃଢ଼ ଦାବି କରିଛି । ଉକ୍ତ କ୍ୟାଣ୍ଡେଲ ଶୋଭାଯାତ୍ରାରେ ନିଖିଳ ଭାରତ କଂଗ୍ରେସ କମିଟିର ସମ୍ପାଦକ ଜୀ ରୁଦ୍ର ରାଜୁ, ଶୁଭେନ୍ଦୁ ମହାନ୍ତି, ବିଶ୍ୱଭୂଷଣ ଦାସ,ରଶ୍ମି ମହାପାତ୍ର, ବିଣାପାଣୀ ସାମଲ, ସ୍ୱାଧୀନବାଳା ଦାସ, କୁସୁମ ପ୍ରଧାନ, ଶ୍ରୀୟା ସ୍ମିତା ପଣ୍ଡା, ପଦ୍ମାକର ଗୁରୁ, ଅଜିତ ମଙ୍ଗରାଜ, ରଜନୀ ମହାନ୍ତି, ଅଭିଷେକ ମହାନନ୍ଦ, ନରେଶ ମହାନ୍ତି, ଦୀପକ ମହାପାତ୍ର, ଦୀପକ କୁମାର ସାହୁ, ନିରଞ୍ଜନ ନାୟକ, ଦେବୀ ପ୍ରସାଦ ବାହାଲିଆ, ଆଦିତ୍ୟ ପ୍ରିତମ ଦାସ, ଦୁର୍ଗା ମହଲା, ଜୟକୃଷ୍ଣ ସୁବୁଦ୍ଧି, ସୁବ୍ରତ ମହାପାତ୍ର , ସୁଶାନ୍ତ ତ୍ରିପାଠୀ, ସଂଜିବ ମହାନ୍ତି, ପ୍ରକାଶ ମିଶ୍ର, ନାସିର ଅହମ୍ମଦ ଖାନ, ସୁଶାନ୍ତ କୁମାର ବେହେରା, ଦେଓ ପ୍ରସାଦ, ମନୋଜ ସାହୁ, ଅଭିଶେକ ସେଠ, ନିରୋଦ ଖୁଂଟିିଆ, ରମାକାନ୍ତ ରାଉତ, କୁଳମଣି ସାହୁ, ବିନୋଦ ରାଉତ, ସାଗର ପରିଡ଼ାଙ୍କ ସମେତ ଶତାଧିକ କଂଗ୍ରେସ କର୍ମୀ ଶୋଭାଯାତ୍ରାରେ ରାଜ୍ୟ ସରକାରଙ୍କ ଅପାରଗତା ବିରୁଦ୍ଧରେ ସ୍ଲୋଗାନ ଦେଇ ଗିରଫ ହୋଇଥିଲେ ଓ ପରେ ପୋଲିସ ଗିରଫଦାରୀଙ୍କୁ ଛାଡ଼ି ଦେଇଥିଲେ । ଉପରୋକ୍ତ ଦାବିକୁ ରାଜ୍ୟ ସରକାର ନ ମାନିଲେ ପ୍ରଦେଶ କଂଗ୍ରେସ କମିଟିର ସଭାପତି ଶ୍ରୀ ପଟ୍ଟନାୟକଙ୍କ ନେତୃତ୍ୱରେ ପୁରୀ ସମେତ ରାଜ୍ୟ ବନ୍ଦ ଡାକରାକୁ ପଛାଇବ ନାହିଁ ବୋଲି ରାଜ୍ୟ କଂଗ୍ରେସ ଚେତାବନୀ ଦେଇକ୍ତି । ଓଡ଼ିଶା ସମାଚାର

About admin

Check Also

ରଘୁନାଥପୁର ବିଜେପି ପକ୍ଷରୁ ଜନ ଜାଗରଣ ପଦଯାତ୍ରା

ତାରପୁର,୧୮/୦୧/୨୦୨୦ (ଓଡ଼ିଶା ସମାଚାର)-ରଘୁନାଥପୁର ବ୍ଲକ୍ ବିଜେପି ପକ୍ଷରୁ ଜନଜାଗରଣ ପଦଯାତ୍ରା ଅନୁଷ୍ଠିତ ହୋଇଯାଇଛି । ବିଜେପି ଜିଲା କାର୍ଯ୍ୟକାରିଣୀ ସଭ୍ୟ …

Leave a Reply

Your email address will not be published. Required fields are marked *