Friday , November 15 2019
Home / ରାଜନୀତି / ବିନା ଜୋରିମାନାରେ ଦୁର୍ଘଟଣାମୁକ୍ତ ଦେଶ ଗଠନ ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କୁ ଇଣ୍ଡିଆନ୍ ସିଟିଜେନସ୍ ପାର୍ଟିର ଆହ୍ୱାନ

ବିନା ଜୋରିମାନାରେ ଦୁର୍ଘଟଣାମୁକ୍ତ ଦେଶ ଗଠନ ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କୁ ଇଣ୍ଡିଆନ୍ ସିଟିଜେନସ୍ ପାର୍ଟିର ଆହ୍ୱାନ

ଭୁବନେଶ୍ୱର ,୧୨/୦୯/୨୦୧୯(ଓଡ଼ିଶା ସମାଚାର)- ଗଣତାନ୍ତ୍ରିକ ପଦ୍ଧତିରେ ନିର୍ବାଚିତ ସରକାର ଏକ ଦୁର୍ଘଟଣାମୁକ୍ତ ରାଜ୍ୟ ଓ ଦୁର୍ଘଟଣାମୁକ୍ତ ଦେଶ ଗଠନ କରିବା ପାଇଁ ବିନା ଜୋରିମାନାରେ ସ୍କିମ୍ ପ୍ରଚଳନ ନ କରି ନିଜର ଅପାରଗତାକୁ ଲୁଚାଇବା ପାଇଁ ହଜାର ହଜାର ଟଙ୍କାର ଜୋରିମାନା ଲଦି ଦେଇ ଜୀବନ ଜୀବିକା ବନ୍ଦ କରିଦେବାକୁ ଇଣ୍ଡଇଆନ୍ ସିଟିଜେନସ ପାର୍ଟି ନିନ୍ଦା କରିଛି । ଆହୁରି ମଧ୍ୟ ଆମେରିକା, ଇଂଲଣ୍ଡ ଭଳି ଦେଶ ସହ ତୁଳନା କରିବା ଭାରତ ଭଳି ଗରୀବ ଦେଶର କୋଟି କୋଟି ଗରିବ ଲୋକଙ୍କ କଟା ଘାରେ ଚୂନ ଦେବା ସହିତ ସମାନ ବୋଲି ଇଣ୍ଡିଆନ୍ ସିଟିଜେନସ୍ ପାର୍ଟି ସଭାପତି ରମେଶ ଚନ୍ଦ୍ର ରାଉତ ଏକ ପ୍ରେସ୍ ବିବୃତିରେ କହିଛନ୍ତି । ୨୦୧୯ ମସିହାର ମୋଟର ଯାନ ସଂଶୋଧନ ଆଇନ୍ ଏକ କଳା ଆଇନ୍ ଯାହାକୁ ତୁରନ୍ତ ପ୍ରତ୍ୟାହାର କରିବାକୁ ଇଣ୍ଡଇଆନ୍ ସିଟିଜେନସ୍ ପାର୍ଟି ଦାବି କରିଛି । ଦୁର୍ଘଟଣା ରୋକିବା ନାମରେ କେନ୍ଦ୍ର ସରକାର ଓ ରାଜ୍ୟ ସରକାର ଭୟ ଓ ଆତଙ୍କ ସୃଷ୍ଟି କରିଛନ୍ତି ବୋଲି ଇଣ୍ଡଇଆନ୍ ସିଟିଜେନସ୍ ପାର୍ଟି ସଭାପତି ରମେଶ ରାଉତ ଏକ ପ୍ରେସ୍ ବିବୃତିରେ କହିଛନ୍ତି । ବର୍ଦ୍ଧିତ ହାରରେ ଆଦାୟ କରିଥିବା ଜୋରିମାନାକୁ ମୋଟର ଚାଳକମାନଙ୍କୁ ଫେରସ୍ତ କରିବାକୁ ଇଣ୍ଡିଆନ୍ ସିଟିଜେନସ୍ ପାର୍ଟି ଦାବି କରିଛି । ଓଡ଼ିସା ସମାଚାର

About admin

Check Also

୫ଟି ଜିଲ୍ଲାର ବିଜୁ ଯୁବ ବାହିନୀ ସ୍ୱେଚ୍ଛାସେବୀଙ୍କୁ ରାଜ୍ୟ ଯୁବ କଲ୍ୟାଣ ବୋର୍ଡ କାର୍ଯ୍ୟ ନିର୍ବାହୀ ଅଧ୍ୟକ୍ଷଙ୍କ ଆହ୍ୱାନ

‘ବାତ୍ୟା ପୂର୍ବ ଓ ପରବର୍ତୀ ସ୍ଥିତିରେ ଜିଲ୍ଲା ପ୍ରଶାସନ ସହଯୋଗରେ ଲୋକଙ୍କ ସହାୟତା କର’ ଭୁବନେଶ୍ୱର ,୦୯/୧୧/୨୦୧୯(ଓଡ଼ିଶା ସମାଚାର)- ଘୂର୍ଣ୍ଣି …

Leave a Reply

Your email address will not be published. Required fields are marked *