Sunday , January 26 2020
Breaking News
Home / ବିଶେଷ / ବାଲେଶ୍ୱରରେ ପୁଣି ଟ୍ରିପଲ୍ ତଲାକ୍

ବାଲେଶ୍ୱରରେ ପୁଣି ଟ୍ରିପଲ୍ ତଲାକ୍

ବାଲେଶ୍ୱର, ୧୪/୦୮/୨୦୧୯(ଓଡ଼ିଶା ସମାଚାର)-ବାଲେଶ୍ୱର ଜିଲ୍ଲାର ସୋରରେ ବେଆଇନ ତିନି ତଲାକ ମାମଲା ଆସିଛିା ପଠାଣମହଲାର ରେସୋ ଖାତୁନ ନିଜ ସ୍ୱାମୀ ସହିମ ଖାଁ ସରିଅତଙ୍କ ନାମରେ ଅଭିଯୋଗ ଆଣିଛନ୍ତି । ମହିଳା ଜଣକ ବାଲେଶ୍ୱର ଏସପି ବି ଯୁଗଳ କିଶୋର ଓ ଜିଲାପାଳ କେ. ସୁଦର୍ଶନ ଚକ୍ରବର୍ତୀଙ୍କୁ ଭେଟି ଅଭିଯୋଗ କରିଛନ୍ତି । କାର୍ଯ୍ୟନୁଷ୍ଠାନ ପାଇଁ ସୋର ଆଇଆଇସିଙ୍କୁ ନିର୍ଦ୍ଦେଶ ହୋଇଛି । ସୂଚନା ଅନୁସାରେ ଆଗରପଡା ହରିପୁର ଗ୍ରାମର ନାସିରଲ ଖାଁଙ୍କ ଝିଅ ରେସୋକୁ ୪ ବର୍ଷ ପୂର୍ବରୁ ସୋର ମ୍ୟୁନିସିପାଲଟି ପଠାଣମହଲା ଗ୍ରାମର ସହିମ ଆଇନ ଅନୁସାରେ ବିବାହ କରିଥିଲେ । ବିବାହ ସମୟରେ ରେସୋ ବାପ ଘରୁ ନଗଦ ୮୦ ହଜାର ଟଙ୍କା, ସୁନାଗହଣା ଆଣିଥିଲେ । ବିବାହରେ ୮ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା । କିଛିଦିନ ପର୍ଯ୍ୟନ୍ତ ରେସୋ ଶ୍ୱଶୁର ଘରେ ଭଲରେ ରହିଥିଲେ । ଏହାପରେ ଅଧି ଯୌତୁକ ଦାବିରେ ରେସୋଙ୍କ ଉପରେ ନିର୍ଯାତନା ଆରମ୍ଭ ହୋଇଥିଲା । ଅଭିଯୋଗ ଅନୁସାରେ ସ୍ୱାମୀ ସହିମ ଜଣେ ସମ୍ପର୍କିୟ ଯୁବତୀଙ୍କୁ ପୁଣି ବିବାହ କରିବା ପାଇଁ ମନସ୍ଥ କରି ରେସୋକୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ । ବକରୀଦ ଅବସରରେ ଇଦ ଖର୍ଚ୍ଚ ମାଗିବା ପାଇଁ ନିଜ ସ୍ୱାମୀଙ୍କ ଦୋକାନକୁ ଯାଇ ପୀଡ଼ିତା କିଛି ଟଙ୍କା ମାଗିଥିଲେ । ସେହି ସମୟରେ ପୀଡ଼ିତାଙ୍କ ସ୍ୱାମୀ ଇଦ୍ ଖର୍ଚ୍ଚ ଦେବା ବଦଳରେ ଗାଳିଗୁଲଜ କରି ତିନି ତଲାକ ଦେଇଥିଲେ ବୋଲି ମହିଳା ଜଣକ ଲିଖିତ ଭାବେ ଅଭିଯୋଗ କରିଛନ୍ତି । ଓଡ଼ିଶା ସମାଚାର

About admin

Check Also

ସାଧାରଣତନ୍ତ୍ର ଦିବସ ୨୦୨୦ ପୂର୍ବ ସଂଧ୍ୟାରେ ମାନନୀୟ ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦଙ୍କ ଅଭିଭାଷଣ

ନୂଆଦିଲ୍ଲୀ, ଜାନୁଆରୀ ୨୫, ୨୦୨୦ ମୋର ପ୍ର୍ରିୟ ଦେଶବାସୀ, ୧. ୭୧ତମ ସାଧାରଣତନ୍ତ୍ର ଦିବସ ପାଳନର ଅବ୍ୟବହିତ ପୂର୍ବରୁ, ମୁଁ …

Leave a Reply

Your email address will not be published. Required fields are marked *