Tuesday , July 16 2019
Home / କୃଷି / ବାତ୍ୟା ପରବର୍ତୀ ସମୟରେ ଗ୍ରାମାଂଚଳରେ ଫଳ ଏବଂ ପନିପରିବା ସୃଷ୍ଟି କରିବା ଉପରେ କର୍ମଶାଳା

ବାତ୍ୟା ପରବର୍ତୀ ସମୟରେ ଗ୍ରାମାଂଚଳରେ ଫଳ ଏବଂ ପନିପରିବା ସୃଷ୍ଟି କରିବା ଉପରେ କର୍ମଶାଳା

ଭୁବନେଶ୍ୱର, ୦୯/୦୭/୨୦୧୯ (ଓଡ଼ିଶା ସମାଚାର / ଦୀପ୍ତି ରଂଜନ କାନୁନଗୋ)- କେବିକେ, ଖୋର୍ଦ୍ଧା, ଆଇସିଏଆର-ସିଫା, କୌଶଲ୍ୟାଗଙ୍ଗ ଏବଂ ଇଷ୍ଟ-ୱେଷ୍ଟ ସିଡ୍ ଇଂଟରନ୍ୟାସନାଲ, ଭୁବନେଶ୍ୱର ମିଳିତ ଆନୁକୂଲ୍ୟରେ ବାଲିପାଟଣା ବ୍ଲକ ଅନ୍ତର୍ଗତ ଗୁଆପୁର ଗ୍ରାମରେ ବାତ୍ୟା ପରବର୍ତୀ ସମୟରେ ଗ୍ରାମାଂଚଳ ଗୁଡ଼ିକରେ ଫଳ ବଗିଚା ସୃଷ୍ଟି କରିବା ଉପରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ କେବିକେ ଖୋର୍ଦ୍ଧାର ଶସ୍ୟ ଉତ୍ପାଦନ ବିଭାଗର ଏସ୍.ଏମ୍.ଏସ୍. ସୁରେନ୍ଦ୍ର ସିଂ ଯୋଗଦେଇ ବାତ୍ୟା ପରବର୍ତୀ ସମୟରେ ଗ୍ରାମାଂଚଳ ମାନଙ୍କରେ ବିଭିନ୍ନ ପ୍ରକାର ଫଳ ଏବଂ ପନିପରିବା ସୃଷ୍ଟି କରିବାକୁ ଚାଷୀମାନଙ୍କୁ ପରାମର୍ଶ ଦେଇଥିଲେ । ଏହା ଦ୍ୱାରା ଚାଷୀମାନେ ଅନ୍ୟ ଉପରେ ନିର୍ଭର ନ କରି ନିଜ ବାଡ଼ି ବଗିଚାରେ ବିଭିନ୍ନ ପ୍ରକାର ଫଳ ଓ ପନିପରିବା ଉତ୍ପାଦନ କରି ନିଜେ ଆତ୍ମନିର୍ଭରଶୀଳ ହୋଇପାରିବେ ବୋଲି ତାଙ୍କ ବକ୍ତବ୍ୟରେ କହିଥିଲେ । ସମ୍ମାନିତ ଅତିଥି ଭାବେ ଗୃହ ବିଜ୍ଞାନ ବିଭାଗର ସୁକାନ୍ତି ବେହେରା ଯୋଗ ଦେଇଥିଲେ । ଇଷ୍ଟ-ୱେଷ୍ଟ ସିଡ୍ ଇଂଟରନ୍ୟାସନାଲର ପ୍ରୋଜେକ୍ଟ ଲିଡ୍ ଅଫିସର ରାମାଶ୍ରୟ ଦୁବେ ଯୋଗଦେଇ ଚାଷୀମାନେ କିପରି ସ୍ୱଳ୍ପ ବିନିଯୋଗ କରି ନିଜ ବାଡ଼ିବଗିଚାରେ ପନିପରିବା ଚାଷ କରି ଅଧିକ ଲାଭବାନ ହୋଇପାରିବେ ସେ ବିଷୟରେ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ୧୦୦ରୁ ଉଦ୍ଧ୍ୱର୍ ମହିଳା ଓ ପୁରୁଷ ଚାଷୀ ଯୋଗ ଦେଇଥିଲେ । ସେମାନଙ୍କୁ ସଂସ୍ଥା ତରଫରୁ କିଚେନ୍ ଗାର୍ଡେନ ସାମ୍ଗ୍ରୀ ପ୍ରଦାନ କରାଯାଇଥିଲା । ଓଡ଼ିଶା ସମାଚାର

About admin

Check Also

ରୋଟାରୀ କ୍ଲବ୍ ପକ୍ଷରୁ ବୃକ୍ଷରୋପଣ

କଟକ, ୧୬/୦୭/୨୦୧୯ (ଓଡ଼ିଶା ସମାଚାର / ପ୍ରଜ୍ଞା ରଥ)-ମର୍କତ ନଗର ସିଡିଏ ୬ ନମ୍ବର ସେକ୍ଟରରେ ଥିବା କାଠଯୋଡି ବିହାରରେ …

Leave a Reply

Your email address will not be published. Required fields are marked *