Friday , October 18 2019
Breaking News
Home / ତାଜା ଖବର / ପଟ୍ଟାମୁଣ୍ଡାଇ ଅଂଚଳରୁ ଅବକାରୀ ଗୁଇନ୍ଦା ବିଭାଗ ଦ୍ୱାରା ୫କେଜି ଗେଞ୍ଜଇ ଜବତ

ପଟ୍ଟାମୁଣ୍ଡାଇ ଅଂଚଳରୁ ଅବକାରୀ ଗୁଇନ୍ଦା ବିଭାଗ ଦ୍ୱାରା ୫କେଜି ଗେଞ୍ଜଇ ଜବତ

କେନ୍ଦ୍ରାପଡା ୧୦/୧୦/୨୦୧୯ (ଓଡ଼ିଶା ସମାଚାର)- କେନ୍ଦ୍ରାଂଚଳ ଅବକାରୀ ଗୁଇନ୍ଦା ବିଭାଗପକ୍ଷରୁ ଚଢାଉ କରାଯାଇ ଜିଲ୍ଲାର ପଟ୍ଟାମୁଣ୍ଡାଇ ଅଂଚଳରୁ ଜରି ବସ୍ତାରେ ଥିବା ୫କିଲୋ ୨ଶହଗ୍ରାମ ଓଜନର (ଅର୍ଥାତ ପ୍ରାୟ ୬୦ହଜାର ଟଙ୍କାର) ଗେଞ୍ଜଇ ଜବତ କରାଯାଇଥିବା କଟକସ୍ଥିତ କେନ୍ଦ୍ରାଂଚଳ ଅବକାରୀ ଗୁଇନ୍ଦା ବିଭାଗର ଇନିସପେକ୍ଟର ଜଗଦିଶ ଚନ୍ଦ୍ର ସାମଲ ସୂଚନା ଦେଇଛନ୍ତି ।  ସୂଚନାରୁ ପ୍ରକାଶ ଯେ ଏକ ବିଶେଷ ସୁତ୍ରରୁ ଖବରପାଇ ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ବୋଧଗାଁ ଗ୍ରାମରେ ଲୁଚିରହି ଅପେକ୍ଷା କରିଥିବା ସମୟରେ ଗୁରୁବାର ସକାଳ ପ୍ରାୟ ୯ଟା ସମୟରେ ବୋଧଗାଁ ଗ୍ରାମର ପ୍ରତାପ ରାଉତଙ୍କ ପୁଅ ସଞ୍ଜୟ ରାଉତ(୨୫) ଏକ ଜରିବସ୍ତା ନେଇ ଘରକୁ ଯାଉଥିବା ବେଳେ କେନ୍ଦ୍ରାଂଚଳ ଅବକାରୀ ଗୁଇନ୍ଦା ବିଭାଗର ଇନିସପେକ୍ଟର ଜଗଦିଶ ଚନ୍ଦ୍ର ସାମଲଙ୍କ ନେତୃତ୍ୱରେ ତା’ଉପରେ ଚଢାଉ କରାଯାଇ ବସ୍ତାଟିକୁ ଜବତ କରାଯିବା ସହିତ ଅଭିଯୁକ୍ତ ସଞ୍ଜୟ ରାଉତକୁ ଗିରଫ କରାଯାଇ ଥିଲା ।  କେଶ ନମ୍ବର ୧୨୩/୨୦୧୯ରେ ଅବକାରୀ ଆଇନର ଧାରା ୨୦(ବି) ଅନୁଯାଇ ଅଭିଯୁକ୍ତ ଚୋରା ଗେଞ୍ଜଇ ବେପାରୀ  ସଞ୍ଜୟ ରାଉତକୁ  କେନ୍ଦ୍ରାପଡା ସ.ଡି.ଜେ.ଏମ.ଙ୍କ କୋର୍ଟକୁ ଚାଲାଣ କରାଯାଇଥିଲା  ।  ଏହି  ଚଢାଉରେ  କେନ୍ଦ୍ରାଂଚଳ   ଅବକାରୀ ଗୁଇନ୍ଦା    ବିଭାଗର     କନେଷ୍ଟବଳ ଗାଲୁରାମ ସୋରେନ,  କିଶୋର ଚନ୍ଦ୍ର ରାଉତ,  ଆଲୋକ ଚନ୍ଦ୍ର ଖଟୁଆ ପ୍ରମୁଖ ଅଂଶଗ୍ରହଣ କରିଥିଲେ । ଓଡ଼ିଶା ସମାଚାର

About admin

Check Also

ପିପିଏଲ ବ୍ୟାଗିଙ୍ଗ ପ୍ଲାଂଟର ରେଳ ଧାରଣାରେ କଟିଯାଇ ଶ୍ରମିକର ମୃତୁ୍ୟ

ପାରାଦ୍ୱୀପ ୧୬/୧୦/୨୦୧୯ ( ଓଡ଼ିଶା ସମାଚାର)- ପାରାଦ୍ୱୀପ ଫସଫେଟ୍ ଲିମିଟେଡ (ପିପିଏଲ) ସାରକାରଖାନାରେ ସାର ବୋଝେଇ ସମୟରେ ଜଣେ ଶ୍ରମିକ …

Leave a Reply

Your email address will not be published. Required fields are marked *