Saturday , December 7 2019
Home / କ୍ରୀଡ଼ା / ଜିଲ୍ଲା ସ୍ତରୀୟ ଭିନ୍ନକ୍ଷମ ସ୍ୱତନ୍ତ୍ର କ୍ରୀଡା ପ୍ରତିଯୋଗୀତା ପାଇଁ ପ୍ରସ୍ତୁତି ବୈଠକ

ଜିଲ୍ଲା ସ୍ତରୀୟ ଭିନ୍ନକ୍ଷମ ସ୍ୱତନ୍ତ୍ର କ୍ରୀଡା ପ୍ରତିଯୋଗୀତା ପାଇଁ ପ୍ରସ୍ତୁତି ବୈଠକ

କେନ୍ଦ୍ରାପଡା ୧୩/୧୧/୨୦୧୯(ଓଡ଼ିଶା ସମାଚାର)-ଜିଲ୍ଲା ସ୍ତରୀୟ ଭିନ୍ନକ୍ଷମ ସ୍ୱତନ୍ତ୍ର କ୍ରୀଡା ପ୍ରତିଯୋଗୀତା ନିମନ୍ତେ ବୁଧବାର ଅପରାହ୍ନରେ ଜିଲ୍ଲାପାଳଙ୍କ କାର୍ଯ୍ୟାଳୟ ସଦଭାବନା ସଭା ଗୃହରେ ଏକ ପ୍ରସ୍ତୁତି ବୈଠକ ଜିଲ୍ଲାପାଳ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବୈଠକରେ ଆସନ୍ତା ୧୯ତାରିଖ ପୂର୍ବାହ୍ନ ୯ଟା ସମୟରେ କେନ୍ଦ୍ରାପଡା ସ୍ୱୟଂ ଶାସିତ ମହାବିଦ୍ୟାଳୟ ଖେଳପଡିଆରେ ଏହି ଜିଲ୍ଲା ସ୍ତରୀୟ ଭିନ୍ନକ୍ଷମ ସ୍ୱତନ୍ତ୍ର କ୍ରୀଡା ପ୍ରତିଯୋଗୀତାକୁ ସାଂସଦ ଓ ଜିଲ୍ଲାର ସମସ୍ତ ବିଧାୟକ ଯୋଗଦେଇ ଉଦଘାଟନ କରିବାକୁ ସ୍ଥିର କରାଗଲା । ଶାରିରୀକ, ଶ୍ରବଣବାଧିତ, ଦୃଷ୍ଟିବାଧିତ ଓ ମାନସୀକ ଅନଗ୍ରସର ଭଳି ୪ଟି ବିଭାଗର କନିଷ୍ଠ ଏବଂ ବରିଷ୍ଠ ବର୍ଗର ବାଳିକା ଓ ବାଳକଙ୍କ ନିମନ୍ତେ ପୃଥକ ଭାବେ ପ୍ରତିଯୋଗୀତା ଅନୁଷ୍ଠିତ ହେବାକୁ ନିଷ୍ପତି ନିଆଯାଇଥିଲା । ଏହି ଜିଲ୍ଲା ସ୍ତରୀୟ ଭିନ୍ନକ୍ଷମ କ୍ରୀଡା ପ୍ରତିଯୋଗୀତାରେ ହୁଇଲ ଚେୟାର ରେସ, ୫୦ ଓ ୧୦୦ ମିଟର ଦୈାଡ, ଲମ୍ବା ଓ ଉଚ୍ଚ ଡିଅାଁ, ବକେଟ ବଲ, ସଟପୁଟ ଥ୍ରୋ, ସଟବଲ ଥ୍ରୋ, ମୁ୍ୟଜିକଚେୟାର, ଚିତ୍ରାଙ୍କନ, ବକ୍ତୃତା, ସଂଗୀତ, ଜିଲାପି ଦୈାଡ, ଅର୍ଡମ୍ୟାନ ଆଉଟ ଭଳି ଇଭେଂଟ ରହିଥିବା ସୂଚନା ମିଳିଛି । ସବୁ ବିଭାଗରେ ଦକ୍ଷତା ପ୍ରତିପାଦନ କରିଥିବା ପ୍ରଥମ ଖେଳାଳିଙ୍କୁ ରାଜ୍ୟ ସ୍ତରୀୟ ପ୍ରତିଯୋଗୀତାରେ ଭାଗନେବାକୁ ପ୍ରେରଣ କରାଯିବ । ସବୁଠୁ ଭଲ ପ୍ରଦର୍ଶନ କରୁଥିବା ବ୍ଲକକୁ ଶ୍ରେଷ୍ଠ ବ୍ଲକ ଭାବେ ପୁରସ୍କୃତ କରାଯିବ । ସମସ୍ତ ପ୍ରତିଯୋଗୀତାର ପୁରସ୍କାର ରାଶି ଆସନ୍ତା ଡିସେମ୍ବରମାସ ୩ତାରିଖ ଅନ୍ତର୍ଯାତୀୟ ଭିନ୍ନକ୍ଷମ ଦିବସ ଅବସରରେ ପ୍ରଦାନ କରାଯିବ । ରାଜ୍ୟ ଭିନ୍ନକ୍ଷମ ଆୟୁକ୍ତ ସୁଲୋଚନା ଦାସ ଓ ଜଣେ ପାରା ସ୍ପୋର୍ଟସ କୃତି ପ୍ରତିଯୋଗୀଙ୍କୁ ଉକ୍ତ କାର୍ଯ୍ୟକ୍ରମରେ ସାମିଲ କରାଯିବାକୁ ମଧ୍ୟ ପ୍ରସ୍ତାବ ଗୃହିତ ହୋଇଥିଲା । ଏହି ବୈଠକରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଉଦୟନାଥ ଜେନା, ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ପ୍ରଭାସ ଚନ୍ଦ୍ର ଦାସ, ଜିଲ୍ଲା କ୍ରୀଡା ଅଧିକାରୀ ଲୋକନାଥ ପାଣିଗ୍ରାହୀ, ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଉପନିର୍ଦେଶକ ଚନ୍ଦ୍ରକାନ୍ତ ନାୟକ, ସମସ୍ତ ବ୍ଲକର ସର୍ବ ଶିକ୍ଷା ଅଭିଯାନର କର୍ମଚାରୀ, ବିଭିନ୍ନ ହାଇସ୍କୁଲର କ୍ରୀଡା ଶିକ୍ଷକ, ସ୍ୱତନ୍ତ୍ର ବିଦ୍ୟାଳୟର ପ୍ରତିନିଧିମାନେ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ । ଓଡ଼ିଶା ସମାଚାର

About admin

Check Also

ଫୁଟବଲ ଟୁର୍ଣ୍ଣାମେଂଟ ଉଦଘାଟିତ

ବୋରିଗୁମ୍ମା, ୦୩/୧୨/୨୦୧୯(ଓଡ଼ିଶା ସମାଚାର)- ବୋରିଗୁମ୍ମା ବ୍ଲକ ଅଧୀନ ଦୁଲାଗୁଡା ମା’ଦୁଲାରଦେଇ ଫୁଟବଲ କମିଟି ଆନୁକୂଲ୍ୟରେ ଆନ୍ତର୍ଜାତୀୟ ଟୁର୍ଣ୍ଣାମେଂଟ ଉଦଘାଟିତ ହୋଇଛି …

Leave a Reply

Your email address will not be published. Required fields are marked *