Friday , October 18 2019
Breaking News
Home / ସ୍ୱାସ୍ଥ୍ୟ / ଜଗାର ହେବ ଖପୁରୀ ପ୍ରତିରୋପଣ, ଏବେ ଯାଇପାରିବନି ସ୍କୁଲ : ଆଇନ ମନ୍ତ୍ରୀ

ଜଗାର ହେବ ଖପୁରୀ ପ୍ରତିରୋପଣ, ଏବେ ଯାଇପାରିବନି ସ୍କୁଲ : ଆଇନ ମନ୍ତ୍ରୀ

ଭୁବନେଶ୍ୱର ,୧୬/୦୯/୨୦୧୯(ଓଡ଼ିଶା ସମାଚାର)-ଦିଲ୍ଲୀ ଏମସ୍ ରୁ ଫେରିବା ପରେ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲରେ ଚିକିତ୍ସାଧୀନ ଥିବା ଜଗାର ସ୍ୱାସ୍ଥ୍ୟାବସ୍ଥା ଭଲ ଅଛି । ତେବେ ଜଗା ବର୍ତମାନ ସ୍କୁଲ ଯାଇପାରିବ ନାହିଁ । ପ୍ରଥମେ ଜଗା ମୁଣ୍ଡରେ ଖପୁରୀ ପ୍ରତିରୋପଣ ହେବ ବୋଲି ରବିବାର ଏସସିବିରେ ଜଗା କାଳିଆଙ୍କୁ ଭେଟିବା ପରେ କହିଛନ୍ତି ଆଇନ୍ ମନ୍ତ୍ରୀ ପ୍ରତାପ ଜେନା ।
ରବିବାର ଦିନ ମନ୍ତ୍ରୀ ଶ୍ରୀ ଜେନା କଟକ ଏସସିବି ଯାଇ ଜଗା କାଳିଆର ସ୍ୱାସ୍ଥ୍ୟବସ୍ଥା ଓ ଚିକିତ୍ସା ସମ୍ପର୍କରେ ବୁଝିଥିଲେ ଜଗା ସୁସ୍ଥ ହେଉଥିବାରୁ ତାକୁ ସ୍କୁଲ ପଠାଯିବ କି ପ୍ରଶ୍ନର ଉତରରେ ମନ୍ତ୍ରୀ କହିଥିଲେ ଯେ ଜଗାର ସ୍ୱାସ୍ଥ୍ୟାବସ୍ଥା ଭଲ ଥିବା ବେଳେ କାଳିଆର ସ୍ୱାସ୍ଥ୍ୟ ସାମାନ୍ୟ ହୋଇନାହିଁ । ଉଭୟଙ୍କ ଚିକିତ୍ସା ପାଇଁ ଡାକ୍ତରୀ ଟିମ୍ ଲାଗିଛନ୍ତି । ଜଗାର ଖପୁରୀ ନଥିବାରୁ ସେ ବର୍ତମାନ ସ୍କୁଲ ଯାଇପାରିବ ନାହିଁ । ତେବେ ହସ୍ପିଟାଲରେ ହିଁ ଜଗାର ପ୍ରାଥମିକ ଶିକ୍ଷା ପାଇଁ ବ୍ୟବସ୍ଥା କରାଯିବ । ଜଗାର ଖପୁରୀ ପ୍ରତିରୋପଣ ପାଇଁ ରାଜ୍ୟ ସରକାର ସମସ୍ତ ପ୍ରକାରର ସହଯୋଗ କରିବେ ବୋଲି ମନ୍ତ୍ରୀ କହିଛନ୍ତି । ସୂଚନାଯୋଗ୍ୟ, ଗତ ୨୦୧୭ରେ କନ୍ଧମାଳ ଜିଲ୍ଲା ଫିରିଙ୍ଗିଆ ଅଂଚଳ ମିଲିପଡା ଗାଁର ଯୋଡାମୁଣ୍ଡ ଶିଶୁ ଜଗା- କାଳିଆଙ୍କୁ ଅଲଗା କରିବାପାଇଁ ଦିଲ୍ଲୀ ଏମ୍ସରେ ଭର୍ତି କରାଯାଇଥିଲା । ଅଭିଜ୍ଞ ଡାକ୍ତରୀ ଟିମଙ୍କ ଦ୍ୱାରା ସଫଳତାର ସହ ଅସ୍ତ୍ରୋପଚାର କରି ଦୁଇ ଶିଶୁଙ୍କୁ ଅଲଗା କରାଯାଇଥିଲା । ସେଠାରେ ପ୍ରାୟ ଦୁଇ ବର୍ଷ ରହିବା ପରେ ଉଭୟ ଓଡିଶା ଫେରିଆସିଛନ୍ତି । କଟକସ୍ଥିତ ଏସସିବିରେ ଦୁଇଭାଇଙ୍କ ଚିକିତ୍ସା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସେମାନଙ୍କୁ ସ୍ୱତନ୍ତ୍ର ଆଇସିୟୁ ସଂଲଗ୍ନ କ୍ୟାବିନରେ ରଖାଯାଇଛି । ଓଡ଼ିଶା ସମାଚାର

About admin

Check Also

ଅନ୍ଧତ୍ୱଦୂରୀକରଣ କାର୍ଯ୍ୟକ୍ରମର ସମୀକ୍ଷା : ଆଉ ୧୦ ଜିଲ୍ଲାରେ ଗଡିବ ଭ୍ରାମ୍ୟମାଣ ଚକ୍ଷୁ ଚିକିତ୍ସା କେନ୍ଦ୍ର

ଭୁବନେଶ୍ୱର,୧୬/୧୦/୨୦୧୯ ( ଓଡ଼ିଶା ସମାଚାର)- ରାଜ୍ୟରୁ ଅନ୍ଧତ୍ୱ ଦୂରୀକରଣ ଲାଗି ଚଳିତ ଆର୍ଥିକ ବର୍ଷରେ ରାଜ୍ୟର ଆଉ ୧୦ଟି ଜିଲ୍ଲାରେ …

Leave a Reply

Your email address will not be published. Required fields are marked *