Tuesday , August 20 2019
Breaking News
Home / ସ୍ୱାସ୍ଥ୍ୟ / କ୍ୟାନସର ହସ୍ପିଟାଲ ପାଇଁ ଚଳିତ ମାସ ଶେଷସୁଦ୍ଧା ଟାଟା ଟ୍ରଷ୍ଟକୁ ଜମି ହସ୍ତାନ୍ତର

କ୍ୟାନସର ହସ୍ପିଟାଲ ପାଇଁ ଚଳିତ ମାସ ଶେଷସୁଦ୍ଧା ଟାଟା ଟ୍ରଷ୍ଟକୁ ଜମି ହସ୍ତାନ୍ତର

ଭୁବନେଶ୍ୱର,୧୭/୦୭/୨୦୧୯ (ଓଡ଼ିଶା ସମାଚାର / ଦୀପ୍ତି ରଂଜନ କାନୁନଗୋ)- ବାରଙ୍ଗ ଠାରେ ପ୍ରସ୍ତାବିତ କ୍ୟାନସର ହସ୍ପିଟାଲ ପାଇଁ ଆବଶ୍ୟକ ପଡୁଥିବା ଜମି ଚଳିତମାସ ଶେଷ ସୁଦ୍ଧା ଟାଟା ଟ୍ରଷ୍ଟକୁ ହସ୍ତାନ୍ତର କରାଯିବା । କଟକ ଜିଲ୍ଲାପାଳଙ୍କ ସହିତ ଆଲୋଚନା ପରେ ହସ୍ପିଟାଲ ନିକଟକୁ ମାସକ ମଧ୍ୟରେ ରାସ୍ତା କାର୍ଯ୍ୟ ଆରମ୍ଭ ପାଇଁ ନିଷ୍ପତି ହୋଇଛି । ଏହି ଗବେଷଣା କେନ୍ଦ୍ର ଲାଗି ରାଜ୍ୟ ସରକାର ଓ ଟାଟା ଟ୍ରଷ୍ଟ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଥିବାବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଭିତିିପ୍ରସ୍ତର ସ୍ଥାପନ କରିଛନ୍ତି ।
ଓଡିଶା କ୍ୟାନସର କେୟାର ଫାଉଣ୍ଡେସନ (ଓସିସିଏଫ)ର ଦ୍ୱିତୀୟ ପରିଚାଳନା ମଣ୍ଡଳୀ ବୈଠକରେ ଏହି ନିଷ୍ପତି ହୋଇଥିବା ଜଣାଯାଇଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର କମିଶନର ତଥା ଶାସନ ସଚିବ ଡାକ୍ତର ପ୍ରମୋଦ କୁମାର ମେହେର୍ଦ୍ଦାଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ବିଭାଗର ଯୁଗ୍ମ ସଚିବ ଗୁହା ପୁନମ ତାପସ କୁମାର, ଟାଟା ଟ୍ରଷ୍ଟର ସଦସ୍ୟ, କଟକ ସ୍ଥିତ ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ରର ନିର୍ଦ୍ଦେଶକ ଲଲାଟେନ୍ଦୁ ଷଡଙ୍ଗୀ, ଖ୍ୟାତନାମା କ୍ୟାନସର ବିଶେଷଜ୍ଞ ଡାକ୍ତର ଦିନେଶ ପେନ୍ଧାରକର ଓ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ । ବୈଠକର ସୂଚନା ଅନୁଯାୟୀ ଭିମସାର, ଏମକେସିଜି, କୋରାପୁଟ ଓ କେନ୍ଦୁଝରରେ ରେଡିଓଥେରାପି, କେମୋଥେରାପି, କ୍ୟାନସର ଚିହ୍ନଟ ଓ ଚିକିତ୍ସାର ବିକାଶ କରାଯିବ । ଆଚାର୍ଯ୍ୟ ହରିହର କର୍କଟ ଗବେଷଣା କେନ୍ଦ୍ରରେ ରେଡିଓ ଥେରାପି ପାଇଁ ସ୍ୱତନ୍ତ୍ର ବ୍ଲକ, ସମ୍ପ୍ରସାରଣ ପାଇଁ ସ୍ୱତନ୍ତ୍ର ମାଷ୍ଟରପ୍ଲାନ ଯଥାଶୀଘ୍ର ପ୍ରସ୍ତୁତ କରାଯିବ । ସେହିପରି କ୍ୟାନସରକୁ ଏକ ନୋଟିଫିକେବୁଲ ରୋଗ ହିସାବରେ ବିବେଚନା ଲାଗି ନିଷ୍ପତି ହୋଇଛି । ଓଡ଼ିଶା ସମାଚାର

About admin

Check Also

ମେଡିକାଲ କଲେଜର ହୃଦ, ୟୁରୋଲୋଜି ଓ ନେଫ୍ରୋଲୋଜି ବିଭାଗର ସମୀକ୍ଷା

ଭୁବନେଶ୍ୱର , ୧୬/୦୮/୨୦୧୯(ଓଡ଼ିଶା ସମାଚାର / ଦୀପ୍ତିରଂଜନ କାନୁନଗୋ)-  ରାଜ୍ୟର ତିନି ପ୍ରମୁଖ ସରକାରୀ ମେଡିକାଲ କଲେଜ ଓ ହସ୍ପିଟାଲରେ …

Leave a Reply

Your email address will not be published. Required fields are marked *