Sunday , January 26 2020
Breaking News
Home / ବିଶେଷ / ଓଟିଏମ୍ ବନ୍ଦ ହେବା ପରେ ଦୁର୍ଦ୍ଦିନରେ ବସନ୍ତ ବେହେରାଙ୍କ ପରିବାର

ଓଟିଏମ୍ ବନ୍ଦ ହେବା ପରେ ଦୁର୍ଦ୍ଦିନରେ ବସନ୍ତ ବେହେରାଙ୍କ ପରିବାର

ନିଶ୍ଚିନ୍ତକୋଇଲି ,୦୩/୧୧/୨୦୧୯ (ଓଡ଼ିଶା ସମାଚାର/ ଅଭୟ ଜେନା): କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଳକ୍ ଅନ୍ତର୍ଗତ ଜନାର୍ଦ୍ଦନପୁର ଗ୍ରାମର ବସନ୍ତ କୁମାର ବେହେରା ସଂପ୍ରତି ଘୋର ଆର୍ଥିକ ଅନାଟନ ମଧ୍ୟରେ ପରିବାର ପ୍ରତିପୋଷଣ କରୁଛନ୍ତି । ଚୈାଦ୍ୱାର ସ୍ଥିତ ଓଡ଼ିଶା ଟେକ୍ସଟାଇଲ ମିଲ (ଓ.ଟି.ଏମ୍)ରେ ୱିଭିଙ୍ଗ ଜବର ଭାବେ ୧୯୬୩ ରୁ କାର୍ଯ୍ୟକରି ୨୦୦୧ରେ ଅବସର ଗ୍ରହଣ କରିଥିଲେ । ଅବସର ଗ୍ରହଣ ପରେ ତାଙ୍କର ବକେୟା ପ୍ରାପ୍ୟ ପ୍ରାୟ ୨ଲକ୍ଷ ରୁ ଉଦ୍ଧ୍ୱର୍ ଟଙ୍କା ସେ ଏଯାବତ୍ ପାଇପାରିନାହାନ୍ତି । ବାରମ୍ବାର ଏ ବାବଦରେ ବିଭିନ୍ନ ପ୍ରକାର ଉଦ୍ୟମ କରିଥିଲେ ସୁଦ୍ଧା ସଫଳ ହୋଇନପାରି ଦୁର୍ଦ୍ଦିନରେ କାଳକାଟୁଛନ୍ତି । ତାଙ୍କର ଚାରିଟି ଝିଅଙ୍କୁ ବିବାହ ଦେଇସାରିବା ପରେ ଏକମାତ୍ର ପୁତ୍ର ନିଜ ଗ୍ରାମରେ ଛୋଟ ଗ୍ୟାରେଜ କରି ସ୍ୱଳ୍ପ ଆୟରେ ବହୁ କଷ୍ଟରେ ପରିବାର ପ୍ରତିପୋଷଣ କରୁଛନ୍ତି । ବସନ୍ତଙ୍କୁ ଏବେ ୭୯ବର୍ଷ । ବାର୍ଦ୍ଧକ୍ୟ ଜନିତ ରୋଗରେ ବହୁ କଷ୍ଟରେ ବାଡ଼ି ଧରି ଚଳପ୍ରଚଳ ହେଉଛନ୍ତି । ଆର୍ଥିକ ଅନାଟନରେ ବୁଡ଼ିରହିଥିବାରୁ ଉତମ ଚିକିତ୍ସା ବ୍ୟବସ୍ଥା ସମ୍ଭବ ହେଉନାହିଁ । ତାଙ୍କୁ ମିଳୁଥିବା ରାସନ ଓ ଭତା ଟଙ୍କାରେ ଚଳିବା କଷ୍ଟକର ହେଉଥିବା ପ୍ରକାଶ କରିଛନ୍ତି । ଓଟିଏମ୍ ରୁ ମିଳିବା ପାଇଁ ଥିବା ପ୍ରାପ୍ୟ କାହିଁକି ମିଳିପାରୁ ନାହିଁ ବୋଲି ପଚାରିବାରୁ ସେ କହିଛନ୍ତି ଯେ ଗତ ୧୯୯୯ ମହାବାତ୍ୟାରେ ଓଟିଏମ୍ ର ବିପୁଳ କ୍ଷତି ପରେ ଏହାର ପୁନରୁଦ୍ଧାର କରାଯାଇଥିଲା । ମାତ୍ର ଅଳ୍ପ କିଛିଦିନ ଚାଲିବା ପରେ ପୁଣି ତାହା ବନ୍ଦ ହୋଇଯାଇଥିଲା ଓ ଆର୍ଥିକ ସଂକଟରୁ ଆମେ ପ୍ରାୟ ବହୁ କର୍ମଚାରୀ ବକେୟା ଅର୍ଥ ପାଇପାରିଲୁ ନାହିଁ । ସରକାର ଏହି ବାକି ଥିବା ଅର୍ଥକୁ ପ୍ରଦାନ କରିବା ବ୍ୟବସ୍ଥା କଲେ ଆମ ପରିବାର ବଂଚିଯିବ ବୋଲି ଆଶାବ୍ୟକ୍ତ କିରିଛନ୍ତି । ଓଡ଼଼ିଶା ସମାଚାର

About admin

Check Also

ସାଧାରଣତନ୍ତ୍ର ଦିବସ ୨୦୨୦ ପୂର୍ବ ସଂଧ୍ୟାରେ ମାନନୀୟ ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦଙ୍କ ଅଭିଭାଷଣ

ନୂଆଦିଲ୍ଲୀ, ଜାନୁଆରୀ ୨୫, ୨୦୨୦ ମୋର ପ୍ର୍ରିୟ ଦେଶବାସୀ, ୧. ୭୧ତମ ସାଧାରଣତନ୍ତ୍ର ଦିବସ ପାଳନର ଅବ୍ୟବହିତ ପୂର୍ବରୁ, ମୁଁ …

Leave a Reply

Your email address will not be published. Required fields are marked *