Tuesday , January 28 2020
Breaking News
Home / ସ୍ୱାସ୍ଥ୍ୟ / ଅସ୍ତ୍ରୋପଚାର ସମୟରେ ଡାକ୍ତର ଖାଦ୍ୟନଳୀ କାଟିଦେବାରୁ ମହିଳାଙ୍କ ମୃତ୍ୟୁ ଅଭିଯୋଗ

ଅସ୍ତ୍ରୋପଚାର ସମୟରେ ଡାକ୍ତର ଖାଦ୍ୟନଳୀ କାଟିଦେବାରୁ ମହିଳାଙ୍କ ମୃତ୍ୟୁ ଅଭିଯୋଗ

କେନ୍ଦ୍ରାପଡା,୦୯/୧୧/୨୦୧୯(ଓଡ଼ିଶା ସମାଚାର)-କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଜନୈକ ମହିଳାଙ୍କର ଅସ୍ତ୍ରୋପଚାର କରାଯାଇ ଏକ ଶିଶୁକନ୍ୟା ଜନ୍ମ ହେବା ସମୟରେ ଡାକ୍ତରଙ୍କ ଦ୍ୱାରା ସଂପୃକ୍ତ ମହିଳାଙ୍କର ଖାଦ୍ୟନଳୀ କଟିଯିବା କାରଣରୁ ମହିଳାଙ୍କ ମୃତ୍ୟୁ ହୋଇଥିବା  ଟାଉନ ଥାନାରେ ଅଭିଯୋଗ ହୋଇଛି । ଘଟଣାରୁ ପ୍ରକାଶ ଯେ କେନ୍ଦ୍ରାପଡା ଟାଉନ ଥାନା ଅନ୍ତର୍ଗତ ଚାଟରାପାଟଣା ଗ୍ରାମର ମନେରାଜ ସାହୁଙ୍କ ପତ୍ନୀ ମଧୁସ୍ମିତା ସାହୁ(୨୮)ଙ୍କର ଗର୍ଭଯନ୍ତ୍ରଣା ହେବାରୁ ପରିବାର ପକ୍ଷରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା ।  ଚଳିତମାସ ୨୨ତାରିଖରେ ମଧୁସ୍ମିତାଙ୍କୁ ଅପରେସନ କରାଯିବା ସହ  ଏକ ଶିଶୁକନ୍ୟାକୁ ଜନ୍ମଦେଇଥିଲେ ସେ । ସେହି ଅପରେସନ ସମୟରେ ଡାକ୍ତର ମିହିର ପାଢୀ ମଧୁସ୍ମିତାଙ୍କ ଖାଦ୍ୟନଳୀକୁ କାଟିଦେଇଥିବା ଯୋଗୁ ମଧୁସ୍ମିତାଙ୍କର ମୃତ୍ୟୁ ହୋଇଥିବା ତାଙ୍କ ଶଶୁର ଧରଣୀଧର ସାହୁ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି । ଅପରେସନର ପ୍ରାୟ ୧୧ଦିନ ପର୍ଯ୍ୟନ୍ତ ମଧୁସ୍ମିତା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧିନ ଥିଲେ । ପରେ ତାଙ୍କୁ କଟକ ବଡ ଡାକ୍ତରଖାନାକୁ ରେଫର କରାଯିବା ପରେ ପରିବାର ପକ୍ଷରୁ ତାଙ୍କୁ କଟକ ବଡ ଡାକ୍ତରଖାନାରେ ଭର୍ତ କରାଯାଇଥିଲା । ଆଜି ସେଠାରେ ତାଙ୍କର ଚିକିତ୍ସିତ ଅବସ୍ଥାରେ ମୃତ୍ୟୁ ହୋଇଯାଇଥିଲା ।  ମୃତକଙ୍କ ଶଶୁର ଟାଉନ ଥାନାରେ ଲିଖିତ ଅଭିଯୋଗ କରିବା ପରେ ଥାନା ଅଧିକାରୀ ଜ୍ୟୋତିରଞ୍ଜନ ସାମନ୍ତରାୟ କଟକରେ ଶବ ବ୍ୟବଛେଦ ହୋଇନଥିବା ଜାଣି ତାଙ୍କ ବୋହୁର ଶବ ବ୍ୟବଛେଦ କରାଇବାକୁ ପରାମର୍ଶ ଦେଇଥିଲେ ମଧ୍ୟ ପରିବାର  ପକ୍ଷରୁ  ଶବ ବ୍ୟବଛେଦ  ନକରାଇ  ଶବକୁ  ପୋଡିଦେଇଥିବା ଆଇ.ଆଇ.ସି.ଶ୍ରୀ ସାମନ୍ତରାୟ ସୂଚନା ଦେଇଛନ୍ତି । ଏସ.ଆଇ.ପ୍ରଜ୍ଞାଶ୍ରୀ ନାୟକଙ୍କୁ ମଧ୍ୟ ଥାନା ପକ୍ଷରୁ ମୃତକଙ୍କ ଘରକୁ ଓ ପରେ ଶ୍ମସାନକୁ ପଠାଯାଇଥିଲେ ମଧ୍ୟ ସେତେବେଳକୁ ମଧୁଶ୍ମିତାଙ୍କ ଶବକୁ ପରିବାର ଲୋକେ ପୋଡିଦେଇଥିବା ଏସ.ଆଇ.ଶ୍ରୀମତୀ ନାୟକ ସୂଚନା ଦେଇଛନ୍ତି । ରିପୋର୍ଟ ଲେଖାଯିବା ପର୍ଯ୍ୟନ୍ତ ଏ ନେଇ ଟାଉନ ଥାନାରେ କୈାଣସି ମାମଲା ରୁଜୁ ହୋଇନଥିବା ସୂଚନା ମିଳିଛି । ଓଡ଼ିଶା ସମାଚାର

About admin

Check Also

ବଦଳିବ ଏସ୍ସିବି ରୂପ, ହେବ ବିଶ୍ୱସ୍ତରୀୟ ମେଡିକାଲ୍

ଭୁବନେଶ୍ୱର ,୨୩/୦୧/୨୦୨୦ (ଓଡ଼ିଶା ସମାଚାର)- କଟକ ଶ୍ରୀରାମଚନ୍ଦ୍ର ଭଞ୍ଜ (ଏସସିବି)ମେଡିକାଲର ନବକଳେବର ହେବ । ଏସସିବିକୁ ବିଶ୍ୱସ୍ତୀୟ ମେଡିକାଲ୍ କରାଯିବାପାଇଁ …

Leave a Reply

Your email address will not be published. Required fields are marked *